தற்போதைய செய்திகள்

நம்ம திருவண்ணாமலை மொபைல் செயலி அறிமுகம் – அமைச்சர் சேவூர் எஸ்.இராமச்சந்திரன் துவக்கி வைத்தார்

திருவண்ணாமலை

நம்ம திருவண்ணாமலை மொபைல் செயலியை இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் துவக்கி வைத்தார்.

நம்ம திருவண்ணாமலை மொபைல் ஆப் துவக்க விழா ஆரணி வட்டார வளர்ச்சி அலுவலகத்தில் நடைபெற்றது. விழாவிற்கு மாவட்ட ஆட்சித்தலைவர் சந்தீப்நந்தூரி தலைமை வகித்தார், வி.பன்னீர்செல்வம் எம்எல்ஏ முன்னிலை வகித்தார். இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் சிறப்பு விருந்தினராக பங்கேற்று நம்ம திருவண்ணாமலை மொபைல் ஆப்பை துவக்கி வைத்தார்.

இதன் பின்னர் அமைச்சர் சேவூர் எஸ்.இராமச்சந்திரன் செய்தியாளர்களிடம் கூறியதாவது:-

திருவண்ணாமலை மக்களுக்காக வடிவமைக்கப்பட்டுள்ள பிரத்யேக செயலி இதுவாகும். இதன் மூலம் பல்வேறு அரசாங்க திட்டங்கள், மாவட்ட நிர்வாகத்தின் முன்முயற்ச்சிகள் பொதுமக்களுக்கு தெரியபடுத்தவும், பொதுமக்களின் கருத்துகளை கேட்பதற்கும், பொது ஈடுபாட்டில் பொதுமக்களை அழைக்கும் நோக்கத்திற்காக வடிவமைக்கப்பட்டதாகும், குடிமக்களின் ஈடுபாட்டை மேம்படுத்துதல் மற்றும் பல்வேறு அரசு திட்டங்கள் சட்டரீதியான தகவல்கள் மாவட்ட அதிகாரிகள் தொட்பு தகவல் குறித்த மக்கள் தெரிந்து கொள்ளவும், பிளாஸ்டிக் இல்லாத திருவண்ணாமலை ஸ்வாட்சா பாரத் மற்றும் ஜல்சக்தி ஆதியான் போன்ற சமூக விழிப்புணர்வு பிரச்சாரங்களில் குடிமக்கள் பங்கேற்கவும், ஒருசிறந்த இயங்கு தளமாக இருக்கும், புகார்களை எனது புகார்கள் என்ற பகுதியில் பதிவு செய்யலாம்,

மாவட்டத்தின் அனைத்து அத்தியாவசிய தகவல்கள், சுயவிவரம், வரைபடங்கள், தொடர்பு தகவலுடன், மாவட்ட அதிகாரிகள், சட்டமன்ற உறுப்பினர்கள், நாடாளுமன்ற உறுப்பினர்கள் உள்ளிட்ட விவரங்களையும் தெரிந்து கொள்ளலாம், பல்வேறு தகவல்களை அறியும் வகையில் அமைக்கப்பட்டுள்ள நம்ம திருவண்ணாமலை செயலியை பதிவிறக்கம் செய்து பொதுமக்கள் தெரிந்து கொள்ளுங்கள்.

இவ்வாறு அமைச்சர் சேவூர் எஸ்.இராமச்சந்திரன் கூறினார்.

இந்நிகழ்ச்சியில் அரசு வழக்கறிஞர் க.சங்கர், நகர செயலாளர் எ.அசோக்குமார், மாவட்ட நகர அம்மா பேரவை செயலாளர் பாரி பி.பாபு, ஒன்றிய செயலாளர்கள் பிஆர்ஜி.சேகர், ப.திருமால், வட்டாட்சியர் செந்தில்குமார், பொதுக்குழு உறுப்பினர் பொய்யாமொழி, நகர மாணவரணி செயலாளர் கே.குமரன் உள்பட பலர் கலந்து கொண்டனர்.