கிருஷ்ணகிரி

காங்கிரசில் இருந்து மாவட்ட செயலாளர் தலைமையில் 100 பேர் விலகல் – முன்னாள் அமைச்சர் பாலகிருஷ்ணரெட்டி முன்னிலையில் கழகத்தில் இணைந்தனர்

கிருஷ்ணகிரி,

கிருஷ்ணகிரி மாவட்டம் ஓசூரில், காங்கிரஸ் கட்சியில் இருந்து விலகியவர்கள் கழகத்தில் இணையும் நிகழ்ச்சி பெற்றது.
கிருஷ்ணகிரி மேற்கு மாவட்ட கழக அலுவலகத்தில் நடைபெற்ற இந்த நிகழ்ச்சியில் காங்கிரஸ் கட்சியின் மாவட்ட செயலாளர் முருகன் தலைமையில் 100க்கும் மேற்ப்பட்ட இளைஞர்கள் காங்கிரஸ் கட்சியிலிருந்து விலகி மேற்கு மாவட்ட செயலாளரும், முன்னாள் அமைச்சருமான பாலகிருஷ்ணரெட்டி முன்னிலையில் கழகத்தில் இணைந்தனர்.

காங்கிரசில் இருந்து விலகிய முருகன் கூறுகையில், காங்கிரஸ் கட்சியில் நாங்கள் குடும்பமாக 20 ஆண்டுகளாக இருந்து வந்தோம். எனது இரண்டு மகன்களும் காங்கிரஸ் கட்சியில் நிர்வாகிகளாக இருந்தனர். நான் பல்வேறு பொறுப்புகளை வகித்து தற்போது கிருஷ்ணகிரி மேற்கு மாவட்ட செயலாளராக இருந்தாலும், காங்கிரஸ் கட்சியில் கோஷ்டி பூசல் நிலவி வருகிறது.

ஓசூர் சட்டமன்ற உறுப்பினராக முதல்முறை கழகத்தில் சார்பில் வெற்றி பெற்று மூன்றரை ஆண்டுகள் மட்டுமே அமைச்சராக இருந்த பாலகிருஷ்ணா ரெட்டி ஓசூருக்கு பல்வேறு திட்டங்களை வழங்கி உள்ளார்.அவரின் செயல்பாடுகளால் ஈர்க்கப்பட்டு ஓசூரை வளர்ச்சி பாதையில் கொண்டு செல்ல வேண்டுமானால் அதிமுகவால் மட்டுமே முடியும் என அதிமுகவில் இணைந்ததாக தெரிவித்தார்.

இந்த நிகழ்ச்சியில் ஓசூர் நகர செயலாளர் நாராயணன், மாவட்ட பிரதிநிதி சிட்டி ஜெகதீஷ், மாவட்ட பொருளாளர் நாராயணன், கழகப் பிரமுகர் ஜேபி என்கின்ற ஜெய்பிரகாஷ், சந்திரன், மாவட்ட கவுன்சிலர் ரவிக்குமார், ஓசூர் ஒன்றிய குழு துணைத் தலைவர் நாராயணசாமி, வெங்கடசாமி கழக பிரமுகர், ஓசூர் நகர மன்ற முன்னாள் உறுப்பினர்கள் ஸ்ரீதர், நாராயண ரெட்டி, அசோக் ரெட்டி, வாசுதேவன் நகர துணை செயலாளர் மதன் வட்ட செயலாளர் சிவக்குமார் தனியார் பஸ் ஓட்டுனர் சங்க தலைவர் ராமகிருஷ்ணன், சாச்சு ரூபாய் லோகநாதன், நடராஜன், கேசவன், ரகுமான், உள்ளிட்ட பலர் கலந்து கொண்டனர்.