தற்போதைய செய்திகள்

விவசாயிகளின் தோழன் முதல்வர் எடப்பாடியார் – கழக செய்தி தொடர்பாளர் மருது அழகுராஜ் பெருமிதம்

சிவகங்கை

முதலமைச்சர் எடப்பாடியார் என்றைக்குமே விவசாயிகளின் தோழனாக இருப்பார் என்று கழக செய்தி தொடர்பாளர் மருது அழகுராஜ் உறுதிபட தெரிவித்தார்.

இயற்கை விஞ்ஞானி நம்மாழ்வார், நெல் ஜெயராமன் ஆகியோரின் நினைவு நாளையொட்டி தமிழக பாரம்பரிய விவசாயிகள் பாதுகாப்பு சங்கம், ஐந்திணை வேளாண்மை கல்வி மற்றும் ஆராய்ச்சி அறக்கட்டளை உள்ளிட்ட பல்வேறு அமைப்புகள் இணைந்து நடத்திய வேளாண் திருவிழா சிவகங்கை மாவட்டம் எஸ்.புதூரில் நடைபெற்றது.

விழாவிற்கு தமிழக அனைத்து விவசாய சங்க ஒருங்கிணைப்பாளர் குழு தலைவர் பாண்டியன் தலைமை தாங்கினார்.
பாரம்பரிய விவசாயிகள் பாதுகாப்பு சங்க மாநில செயலாளர் அருண் முன்னிலை வகித்தார். இந்த விழாவை கோவை வேளாண் பல்கலைக்கழக துணைவேந்தர் குமார் குத்துவிளக்கேற்றி தொடங்கி வைத்தார்.

இவ்விழாவில் சிறப்பு விருந்தினராக கழக செய்தி தொடர்பாளரும், மருது அழகுராஜ் கலந்து கொண்டு 1000 விவசாயிகளுக்கு பாரம்பரிய நெல் விதைகளை வழங்கி பேசியதாவது:-

திருவிழாக்கள் எத்தனை வகையாக இருந்தாலும். அதில் இல்லாத சிறப்பு இந்த வேளாண் திருவிழாவில் உள்ளது. அந்த சிறப்புக்கு காரணம். விவசாயி வீட்டில் உதித்த முதலமைச்சர் எடப்பாடியார் தான். ஒரு விவசாயியான தமிழன் தமிழ்நாட்டை ஆட்சி செய்து வருகிறார் என்பதற்காக தான் இன்று விவசாயிகளின் கவலைகளை போக்கி வருகிறார் அவர்.

நீர் மேலாண்மையில் கரிகாலனுன் காலத்தை கண்முன்னே கொண்டு வந்து நிறுத்தியவர் எடப்பாடியார்.
குடிமராமத்து பணி மூலம் நீர் நிலைகள் எல்லாம் நிறைந்து தழும்பி உள்ளது. வருண பகவான் விவசாயிகளின் மனதை குளிர்வித்துள்ளார். முதல்வர் எடப்பாடியார் ஆட்சியில் அமர்ந்தவுடன் செய்த முதல் வேலை. ஏரி குளங்களை எல்லாம் தூர்வார வேண்டும் என்று உத்தரவிட்டதுதான். நீர் நிலைகளை எல்லாம் பலப்படுத்தினார்.

இன்று அதன் பயனாக தமிழகத்தின் விவசாய நிலங்களின் பரப்பளவு பல மடங்கு அதிகரித்து இருக்கிறது. அதற்கு காரணமான முதலமைச்சர் எடப்பாடி கே.பழனிசாமியை விவசாயிகளின் தோழனாக இன்று தமிழக விவசாயிகள் பார்க்கின்றனர். ஒரு விவசாயியால் தான் விவசாயிகளின் இன்னல்களை புரிந்து கொள்ள முடியும். அந்த வகையில் விவசாயி வீட்டில் பிறந்த முதல்வர் எடப்பாடி கே.பழனிசாமி என்றைக்குமே விவசாயிகளின் தோழனாக இருப்பார்.

இவ்வாறு கழக செய்தி தொடர்பாளர் மருது அழகுராஜ் பேசினார்.

இவ்விழாவில் ஜவஹர்லால், குன்றக்குடி வேளாண் அறிவியல் மைய பேராசிரியர் செந்தூர்குமரன், எஸ்.புதூர் ஒன்றியக்குழு தலைவர் விஜயா குமரன், வேளாண் இணை இயக்குனர் வெங்கடேஸ்வரன் மற்றும் அனைத்து விவசாய சங்க நிர்வாகிகள், விவசாயிகள் கலந்து கொண்டனர்.