தமிழகம்

திரையரங்குகளில் 100 சதவீத இருக்கைகளுக்கு அனுமதி

சென்னை

திரையரங்குகளில் 100 சதவீத இருக்கைகளுக்கு தமிழக அரசு அனுமதி அளித்துள்ளது.

கொரோனா தொற்றுப் பரவலைத் தடுக்க பொது முடக்கம் அமுலாக்கப்பட்டது.தொடர்ந்து தளர்வுகளையும் அரசு அறிவித்தது.

இதைத் தொடா்ந்து, தமிழகத்தில் திரையரங்குகளைத் திறக்க அனுமதிக்க வேண்டும் என்று பல்வேறு தரப்பினரும் கோரிக்கை விடுத்திருந்தனா். அதனை ஏற்று மாவட்ட நிா்வாகத்தின் முன்அனுமதி பெற்று 50 சதவீத இருக்கைகளுடன் 10-ஆம் தேதி முதல் திரையரங்குகளைத் திறப்பதற்கு தமிழக அரசு அனுமதி அளித்திருந்தது. மேலும் கொரோனா தடுப்பு வழிமுறைகளைப் பின்பற்றி பொதுமக்களை அனுமதிக்க திரையரங்குகளுக்கு அறிவுறுத்தப்பட்டிருந்தது. இதனை தொடர்ந்து 100 சதவீத இருக்கைகளுக்கு அனுமதிக்கவேண்டும் என்று கோரிக்கை விடுக்கப்பட்டிருந்த நிலையில் நேற்று தலைமை செயலாளர் க.சண்முகம் கொரோனா நோய் பரவல் தடுப்பு தொடர்பான நிலையான வழிகாட்டிகளை கடைபிடித்து 100 சதவீத இருக்கைகளுக்கு அனுமதி அரசாணை வெளியிட்டுள்ளார்.