வேலூர்

மகளிரை தாக்கும் கட்சி திமுக தாயாக மதிக்கும் கட்சி கழகம் – முன்னாள் அமைச்சர் முக்கூர் என்.சுப்பிரமணியன் பேச்சு

வேலூர்

பெண்களை தாக்கும் கட்சி தி.மு.க. தாயாக மதிக்கும் கட்சி கழகம் என்று முன்னாள் அமைச்சர் முக்கூர் என்.சுப்பிரமணியன் கூறினார்.

வேலூர் மாநகர் மாவட்டம் காட்பாடி வடக்கு பகுதி மகளிர் பூத்கமிட்டி அமைத்தல் மற்றும் தேர்தல் பணி குறித்து நிர்வாகிகள் ஆலோசனை கூட்டம் செங்குட்டையில் பகுதி கழக செயலாளர் பி.ஜனார்த்தனம் தலைமையில் நடைபெற்றது. இக்கூட்டத்தில் வேலூர் மண்டல தேர்தல் பொறுப்பாளரும், முன்னாள் அமைச்சருமான முக்கூர் என்.சுப்பிரமணியன், வேலூர் மாநகர மாவட்ட கழக செயலாளர் எஸ்.ஆர்.கே.அப்பு ஆகியோர் கலந்து கொண்டு ஆலோசனை வழங்கி பேசினர்.

இக்கூட்டத்தில் முன்னாள் அமைச்சர் முக்கூர் என்.சுப்பிரமணியன் பேசியதாவது:-

புரட்சித்தலைவி அம்மாவின் வழியில் முதலமைச்சர், துணை முதலமைச்சர் ஆகியோர் மக்களின் தேவைகளை உணர்ந்து எண்ணற்ற திட்டங்களை மின்னல் வேகத்தில் செயல்படுத்தி வருகின்றனர். மகளிர் தங்களது சொந்த காலில் நிற்க மகளிர் சுயஉதவி குழுக்களுக்கு கடன் வழங்கும் திட்டம் புரட்சித்தலைவி அம்மாவின் ஆட்சியில் தான் கொண்டு வரப்பட்டது.

அம்மாவின் வழியில் முதல்வர், மகளிர் சுயஉதவி குழுக்களுக்கு அதிகமான கடன் வழங்க நிதி ஒதுக்கீடு செய்துள்ளார் . பெண்களுக்கு மதிப்பளித்து பாதுகாப்பு வழங்கும் அரசு கழக அரசு. அனைத்து தரப்பு மக்களும் நிம்மதியாக வாழும் அமைதிப் பூங்காவாக தமிழகம் திகழ்கிறது.

பெண்களை தாயாக மதிக்கின்ற கட்சி கழகம். பெண்களை தாக்கி அராஜகம் செய்யும் கட்சி திமுக. தீயசக்தி திமுகவை தமிழகத்தை விட்டே துரத்த வேண்டும். வேலூர் மாநகரில் உள்ள இரண்டு சட்டமன்ற தொகுதிகளிலும் கழக வேட்பாளர்களை வெற்றிபெற செய்து வெற்றிக்கனியை தலைமையிடம் சமர்ப்பிக்க அனைத்து நிர்வாகிகளும் பாடுபட வேண்டும்.

இவ்வாறு முன்னாள் அமைச்சர் முக்கூர் என்.சுப்பிரமணியன் பேசினார்.