தமிழகம் தற்போதைய செய்திகள்

அரசு மருத்துவர்களின் ஊதிய முரண்பாடுகளை களைய வேண்டும்-முதலமைச்சருக்கு, அன்புமணி ராமதாஸ் வலியுறுத்தல்

சென்னை

கொரோனா அரக்கனிடம் இருந்து கோடிக்கணக்கான மக்களை காத்த அரசு மருத்துவர்களின் ஊதிய முரண்பாடுகளை களைய வேண்டும் என்று தமிழக முதலமைச்சருக்கு, பா.ம.க. இளைஞரணி தலைவர் டாக்டர் அன்புமணி ராமதாஸ் வலியுறுத்தி உள்ளார்.

இதுகுறித்து அவர் தனது டுவிட்டர் பக்கத்தில் பதிவிட்டிருப்பதாவது:-

இன்று தேசிய மருத்துவர்கள் நாள். தன்னலமற்ற சேவை செய்வதில் முன்னோடிகள். கொரோனா அரக்கனிடமிருந்து கோடிக்கணக்கான மக்களை காத்த கடவுள்கள். அவர்கள் அனைவருக்கும் ஒரு மருத்துவராக எனது உளமார்ந்த வாழ்த்துகளைத் தெரிவித்துக் கொள்கிறேன்!

ஊதிய முரண்பாடுகளை களைய வேண்டும் என்பது உள்ளிட்ட பல கோரிக்கைகளை தமிழ்நாடு அரசு மருத்துவர்கள் வலியுறுத்தி வருகின்றனர். எதிர்க்கட்சியாக இருந்த போது அவற்றை மு.க.ஸ்டாலினும் ஆதரித்தார். முதலமைச்சராகி விட்ட நிலையில் அவற்றை நிறைவேற்ற வேண்டும்.

இவ்வாறு அன்புமணி ராமதாஸ் கூறி உள்ளார்