தற்போதைய செய்திகள்

தி.மு.க.வை ஒழித்து கட்டுவதே லட்சியம் – கழக கொள்கை பரப்பு துணை செயலாளர் நடிகை விந்தியா சபதம்

கோவை

தி.மு.க.வை ஒழித்து கட்டுவது தான் லட்சியம் என்று கழக கொள்கை பரப்பு துணை செயலாளர் நடிகை விந்தியா கூறினார்.

கோவை மாவட்டம் தொண்டாமுத்தூரில் கழக அரசு மீதும், அமைச்சர்கள் குறித்தும் அவதூறு பரப்பும் முக.ஸ்டாலினை கண்டித்து நடைபெற்ற மாபெரும் கண்டன பொதுக்கூட்டத்தில் கழக கொள்கை பரப்பு துணை செயலாளரும், திரைப்பட நடிகையுமான விந்தியா பேசியதாவது:-

இந்த கூட்டத்தை பார்க்கும்போது இது தொண்டாமுத்தூர் அல்ல. தொண்டர்களின் முத்தூர். இப்படிப்பட்ட ஊரில் உள்ளாட்சித் துறை அமைச்சர் எஸ்.பி.வேலுமணி நிறைவேற்றியுள்ள திட்டங்களை பற்றி தெரியாமல் அவதூறு பரப்பும் ஸ்டாலின் நீங்கள் எங்களுக்கு எதிரி அல்ல. ஒரு உதிரி. மக்கள் கிராம சபை கூட்டமுன்னு ஊர் ஊரா போய் நடத்துறீங்க. மக்களுக்காக தானே நடத்துறீங்க. உங்களிடம் திமுககாரர்கள் தான் கேள்வி கேட்க வேண்டுமா. எந்த கட்சிக்காரர்கள் கேள்வி கேட்டாலும் பதில் சொல்ல வேண்டும். கழக அரசை பற்றியும், அமைச்சர் எஸ்.பி.வேலுமணி பற்றியும் தப்புத் தப்பா பேசுறீங்கன்னு ஒரு பெண்மணி கேள்வி கேட்டார். அதுக்கு பதில் சொல்ல முடியாமல் கேள்வி கேட்ட பெண்மணியை அடிப்பீங்களா?

ஒரு துண்டு சீட்டு கொடுத்தாலே 10 லைன் படிக்கிறதுக்குள்ள ஆயிரம் தப்புகளுடன் பேசுபவர் தான் ஸ்டாலின். உங்கள் ஆட்சியில் தான் காவல் துறை ஏவல் துறையாகவும், உள்ளாட்சித்துறை ஊழல்துறையாகவும், காவல்துறை கமிஷன்துறையாகவும் செயல்பட்டது. எங்களாலும் டைமிங்கா பேச முடியும். நான்கு மாதம் கழித்து அல்ல, எந்த காலத்தில் ஸ்டாலின் முதலமைச்சராக முடியாது. பதவிகளை வாங்க வீல்சேரில் டெல்லி சென்ற குடும்பம்தான் கருணாநிதியின் குடும்பம். கொரோனா காலத்தில் ஒரு அறைக்குள் இருந்து கொண்டு தலைக்கு விக் வைத்துக் கொண்டு போஸ் கொடுத்தவர் ஸ்டாலின். களத்தில் இறங்கி மக்களோடு மக்களாக பணியாற்றி மாஸ் காட்டுபவர் முதலமைச்சர் எடப்பாடி கே.பழனிசாமி.

ஊழலை வெளிச்சம் போட்டு காட்டுவேன் என்று கூறும் ஸ்டாலின் தனது குடும்பத்தை மொத்தமாக உட்காரவைத்து குரூப் போட்டோ எடுத்து காட்டினாலே போதும் ஊழலை வெளிச்சம் போட்டு காட்டி விடலாம். ஸ்டாலினுக்கு சொந்தமாக பேச வராது. சொல்லிக் கொடுத்தாலும் பேச வராது. உளற மட்டும்தான் தெரியும். ஸ்டாலினுக்கு முதல்வர் கனவு முற்றிப்போய் பித்தம் தலைக்கேறி பைத்தியம் பிடித்து அலைகிறார். ஊழலுக்கு ஆதாரம் இருப்பவர்கள் எதுவும் பேசாமல் கோர்ட்டில் வழக்கு தொடுப்பார்கள். ஆதாரம் இல்லாதவர்கள் தான் ஊர் ஊராக சென்று பொதுமக்களிடம் பொய்யையும், புரட்டையும் கூறி வருவார்கள். வெண்ணையில் இருந்து வந்தால் அது நெய். ஸ்டாலின் வாயிலிருந்து வருவதெல்லாம் பொய்.

வருமானம் கிடைக்கும் என்றால் தன்மானத்தை கூட விலைபேசும் கட்சிதான் திமுக. எண்ணற்ற டிவி சேனல், சாராய பேக்டரிகள், சினிமா கம்பெனி என்று வைத்து கட்சியை நடத்திக் கொண்டிருக்கும் திமுக அது ஒரு கட்சி அல்ல, கம்பெனி. திமுக ஒரு குடும்ப கட்சி. அதன் தலைவராக இருப்பவர்களுக்கு பின்னால் அவர்கள் வாரிசுகள் தலைவராக வருவார்கள். ஆனால் கழகத்தில் அப்படியல்ல, கடைக்கோடி தொண்டன் கூட மாவட்ட செயலாளராக, மந்திரியாக ஏன் முதல்வராக கூட வரமுடியும். அப்படி வந்தவர்தான் முதல்வர் எடப்பாடி கே.பழனிசாமி.

கொரோனாவின் கோரப்பிடியில் உலகமே சிக்கித்தவித்த பொழுது தமிழக அரசைப் போல் சிறப்பாக செயல்பட்ட அரசு உலகத்திலேயே எதுவும் கிடையாது. இந்த தொகுதிக்கு மட்டும் அல்ல. இந்த மாவட்டத்திற்கே பல்வேறு நலத்திட்டங்களை தந்து ஐந்து ஆண்டுகளில் ஐம்பது ஆண்டு கால வளர்ச்சியை கொடுத்து சிறந்த மாவட்டமாக உருவாக்கியவர் அமைச்சர் எஸ்.பி.வேலுமணி. அவரைப் பற்றி தவறாக ஸ்டாலின் மட்டுமல்ல வேறு யார் பேசினாலும் கோவை மாவட்ட மக்கள் பொறுக்க மாட்டார்கள். எதிர்ப்பு தெரிவிப்பார்கள்.

புரட்சித்தலைவி அம்மா அவர்களின் ஒரே லட்சியம் தீயசக்தி திமுகவை ஒழித்துக்கட்டுவது தான். ஆகவே தான் எத்தனை நூற்றாண்டுகள் ஆனாலும் கழகமும், ஆட்சியும் மக்களுக்கு சேவை செய்யும் என்றார். அதை நாம் நிறைவேற்றியே ஆக வேண்டும். பத்து வருடமாக திமுக ஆட்சியில் இல்லை. அதனால் தமிழகத்தில் கரண்ட் கட் இல்லை, கட்டப்பஞ்சாயத்து இல்லை, கூலிப்படை தொந்தரவு இல்லை. விவசாயிகள் தற்கொலை இல்லை, சினிமாக்காரர்களுக்கு தொல்லை இல்லை, பெண்களுக்கு பிரச்சினை இல்லை. இதிலிருந்து என்ன தெரிகிறது தமிழ்நாட்டிற்கு திமுக தேவையில்லை என்று தெரிகிறது. ஆகவே ஊழல் திமுகவை மக்களே ஒழித்துக் கட்டுங்கள். அழியட்டும் திமுக, விடியட்டும் தமிழகம்.

இவ்வாறு கழக கொள்கை பரப்பு துணை செயலாளர் நடிகை விந்தியா பேசினார்.