தற்போதைய செய்திகள்

கழகத்தில் தொண்டனாக இருப்பது பெருமை திமுகவில் தொண்டனாக இருப்பது வேதனை – மாவட்ட செயலாளர் வி.வி.ராஜன் செல்லப்பா பேச்சு

மதுரை

கழகத்தில் தொண்டனாக இருப்பது பெருமை. தி.மு.க.வில் தொண்டனாக இருப்பது வேதனை என்று மதுரை புறநகர் கிழக்கு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. கூறினார்.

மதுரை புறநகர் கிழக்கு மாவட்டம் மதுரை கிழக்கு (வடக்கு) ஒன்றிய கழகத்தின் சார்பில் பூத் கமிட்டி கூட்டம் காதகிணறுவில் நடைபெற்றது. கூட்டத்துக்கு ஒன்றிய கழக செயலாளர் தக்கார் பாண்டி தலைமை தாங்கினார். ஒன்றிய கழக செயலாளர்கள் கார்சேரி கணேசன், வாசு என்ற பெரியண்ணன், பகுதி கழக செயலாளர்கள் ஜீவானந்தம், வக்கீல் கோபி ஆகியோர் முன்னிலை வகித்தனர்.

இக்கூட்டத்தில் மதுரை புறநகர் கிழக்கு மாவட்ட கழக செயலாளர் வி.வி.ராஜன் செல்லப்பா பேசியதாவது:-

புரட்சித்தலைவர் உருவாக்கிய கழக கொடி யாராலும் அசைக்க முடியாத கம்பீரமாக பட்டொளி வீசி பறக்கிறது. இந்த இயக்கத்தில் தொண்டனாக இருப்பதே பெருமையாகும். ஆனால் திமுகவில் தொண்டனாக இருப்பது வேதனையாகும். கழகம் இரண்டாக உடையும் என்று ஸ்டாலின் கூறுகிறார். கழகம் மாபெரும் கோட்டை, இந்த இயக்கத்தை யாராலும் தொட்டுக்கூட பார்க்க முடியாது. ஆனால் ஸ்டாலினின் சகோதரர் மு.க.அழகிரி திமுகவுக்கு எதிராக கூட்டத்தை கூட்டியுள்ளார். நிச்சயம் திமுக விரைவில் இரண்டாக உடையும்.

கழகத்தின் வெற்றி வாய்ப்பு நாளுக்கு நாள் அதிகரித்து வருகிறது. கருணாநிதியின் உடல்நிலையை கருத்தில் கொள்ளாமல் வலுக்கட்டயமாக அவரை ஸ்டாலின் தேர்தலில் நிற்க வைத்தார் என மு.க.அழகிரி கூறியுள்ளார். கழகம் ஆட்சிக்கு வந்தவுடன் அழகிரி கூறியதன் அடிப்படையில் கருணாநிதி மரணம் குறித்து விசாரணை நடத்தப்படும்.

இவ்வாறு மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. பேசினார்.

,இக்கூட்டத்தில் மதுரை புறநகர் மாவட்ட இளைஞரணி செயலாளர் வக்கீல் ரமேஷ், மாவட்ட கழக அவைத்தலைவர் எஸ்.என்.ராஜேந்திரன், திருப்பரங்குன்றம் ஒன்றிய கழக செயலாளர் நிலையூர் முருகன், மாவட்ட எம்.ஜி.ஆர். மன்ற செயலாளர் ஓம்.கே.சந்திரன், மாவட்ட விவசாய பிரிவுச் செயலாளர் கருத்தகண்ணன், மாவட்ட மாணவரணி செயலாளர் முத்து கிருஷ்ணன், மாவட்ட இலக்கிய அணி செயலாளர் கள்ளந்திரி சேகர், மாவட்ட மகளிரணி செயலாளர் சண்முகப்பிரியா, பொதுக்குழு உறுப்பினர் தனம் போஸ், மாவட்ட விவசாயப் பிரிவுச் பொருளாளர் அரசு, மாவட்ட எம்.ஜி.ஆர். மன்ற துணை செயலாளர் ராஜேந்திரன், மாவட்ட எம்.ஜி.ஆர். மன்ற துணை செயலாளர் தேன் சுகுமாரன், மாவட்ட எம்.ஜி.ஆர். மன்ற தலைவர் பழனியப்பன் உள்பட பலர் கலந்து கொண்டனர்.