தற்போதைய செய்திகள்

அம்மாவின் லட்சிய கனவை நிறைவேற்றிக் காட்டுவோம் – அமைச்சர் சி.வி.சண்முகம் சபதம்

விழுப்புரம்

புரட்சித்தலைவி அம்மாவின் லட்சிய கனவை நிறைவேற்றிக் காட்டுவோம் என்று அமைச்சர் சி.வி.சண்முகம் சபதம் மேற்கொண்டார்.

மரக்காணம் கிழக்கு, மேற்கு ஒன்றிய கழக செயல்வீரர்கள் மற்றும் வீராங்கனைகள் ஆலோசனை கூட்டம் சிறுவாடியில் நடைபெற்றது. கூட்டத்திற்கு மாவட்ட கழக செயலாளரும், சட்டத்துறை அமைச்சருமான சி.வி.சண்முகம் தலைமை தாங்கினார். மரக்காணம் மேற்கு ஒன்றிய செயலாளர் நடராஜன், மரக்காணம் பேரூராட்சி செயலாளர் கனகராஜ், மேற்கு ஒன்றிய அவைத்தலைவர் தீபம்குமார் ஆகியோர் முன்னிலை வகித்தனர். மரக்காணம் கிழக்கு ஒன்றிய செயலாளர் ரவிவர்மன் வரவேற்றார்.

இக்கூட்டத்தில் அமைச்சர் சி.வி.சண்முகம் பேசியதாவது:-

50 ஆண்டுகால கழக அரசியல் வரலாற்றில் 31 ஆண்டு காலம் ஆட்சியில் இருந்துள்ளது. புரட்சித்தலைவி அம்மா அவர்கள் எனக்கு பின்னாலும் 100 ஆண்டுகள் ஆனாலும் கழகம் தான் மக்கள் பணி செய்யும் என்று சட்டமன்றத்தில் சூளுரைத்தார். அவரது லட்சிய கனவை நாம் நிறைவேற்றி காட்ட வேண்டும். திமுக ஆட்சியில் உங்கள் சொத்து உங்களுக்கு சொந்தமாக இருக்காது. உங்கள் வீடும் உங்களுக்கு சொந்தமாக இருக்காது. திமுகவின் அராஜக ஆட்சி வேண்டுமா? கழகத்தின் மக்களாட்சி வேண்டுமா? என்பதை நீங்கள் தான் முடிவு செய்ய வேண்டும் என்று மக்களிடம் கூறி வாக்குகளை சேகரியுங்கள்.

இவ்வாறு அமைச்சர் சி.வி.சண்முகம் பேசினார்.