தற்போதைய செய்திகள்

குருகுலந்தாங்கள் கிராமத்தில் ரூ.15.47 லட்சம் மதிப்பில் கூடுதல் பள்ளி கட்டிட பணி – அமைச்சர் சேவூர் எஸ்.இராமச்சந்திரன் தொடங்கி வைத்தார்

திருவண்ணாமலை

திருவண்ணாமலை மாவட்டம் ஆரணி அடுத்த குருகுலந்தாங்கள் கிராமத்தில் ரூ. 15 லட்சத்து 47 ஆயிரம் மதிப்பீட்டில் கூடுதல் பள்ளிக்கட்டடம் கட்டும் பணியை இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் அடிக்கல் நாட்டி தொடங்கி வைத்தார்.

திருவண்ணாமலை மாவட்டம் ஆரணி அடுத்த முருகனந்தல் மதுரா குருகுலந்தாங்கள் கிராமத்தில் உள்ள துவக்கப்பள்ளிக்கு ரூ. 15 லட்சத்து 47 ஆயிரம் மதிப்பீட்டில் கூடுதல் கட்டடம் கட்ட அடிக்கல் நாட்டு விழா நடைபெற்றது. இந்நிகழ்ச்சியில் சிறப்பு விருந்தினராக இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் பங்கேற்று புதிய பள்ளிக்கட்டடம் கட்டுவதற்கான பணியை அடிக்கல் நாட்டி தொடங்கி வைத்தார்.

நிகழ்ச்சியில் அரசு வழக்கறிஞர் க.சங்கர், ஆவின் மாவட்ட துணைத்தலைவர் பாரி பி.பாபு, ஒன்றிய செயலாளர்கள் பிஆர்ஜி.சேகர், அரையாளம் எம்.வேலு, பாசறை மாவட்ட செயலாளர் ஜி.வி.கஜேந்திரன், மாவட்ட கவுன்சிலர்கள் அ.கோவிந்தராசன், ப.திருமால், ஒன்றியக்குழு உறுப்பினர்கள் சி.ஜெயச்சந்திரன், டாக்டர் கணேசன், ஏழுமலை, முருகமங்கலம் ஊராட்சித்தலைவர் வாசுகி ஆனந்தன் உள்ளிட்டோர் கலந்து கொண்டனர்.