திருவள்ளூர்

பெண்களுக்கு எதிரான வன்முறை திமுகவை விரட்டியடிப்போம் – வி.அலெக்சாண்டர் எம்.எல்.ஏ காட்டம்

அம்பத்தூர்

பெண்களுக்கு எதிரான வன்முறை தி.மு.க.வை விரட்டியடிப்போம் என்று திருவள்ளூர் தெற்கு மாவட்ட கழக செயலாளர் வி.அலெக்சாண்டர் எம்.எல்.ஏ கூறினார்.

பெண்களை இழிவுபடுத்தும் விதமாக பேசும் உதயநிதி ஸ்டாலின் மற்றும் தி.மு.கவினரை கண்டித்து திருவள்ளூர் தெற்கு மாவட்ட கழகம் சார்பில் அம்பத்தூர் ஓ.டி. பேருந்து நிலையம் அருகே மாவட்ட கழக செயலாளர் வி.அலெக்சாண்டர் எம்.எல்.ஏ தலைமையில் மகளிர் அணியினர் கண்டன ஆர்பாட்டம் நடத்தினர். இதில் அண்ணா தொழிற்சங்க செயலாளர் ஆர்.கமலக்கண்ணன், தலைமை கழக பேச்சாளர் நூர்ஜஹான், முன்னாள் அமைச்சர் எஸ் அப்துல் ரஹீம், ஆகியோர் கலந்து கொண்டு கண்டன கோஷங்களை எழுப்பினார்கள்

ஆர்ப்பாட்டத்தில் திருவள்ளூர் தெற்கு மாவட்ட செயலாளர் வி.அலெக்சாண்டர் பேசியதாவது:-

முதலமைச்சர் எடப்பாடி கே.பழனிசாமியை அவமதிக்கும் வகையிலும் தொடர்ந்து பெண்களை இழிவுபடுத்தும் வகையில் உதயநிதி ஸ்டாலின் தொடர்ந்து பேசி வருகிறார். திமுக தலைவர் மு.க.ஸ்டாலின் தன்னுடைய மகனை அடக்கமுடியாமல் வேடிக்கை பார்த்துக் கொண்டிருப்பதை திருவள்ளூர் தெற்கு மாவட்டம் சார்பில் வன்மையாக கண்டிக்கிறோம்.

மேலும் உதயநிதி ஸ்டாலினுக்கும் தாய் இருக்கிறார் தங்கை இருக்கிறார் அவர்களும் பெண்கள் தானே இப்படியே பெண்களை இழிவாக பேசுவதால் தன்னுடைய தாயும் தங்கையும் பேசுவதற்கு சமம் அல்லவா நாங்களெல்லாம் புரட்சித்தலைவி அம்மாவால் வளர்க்கப்பட்ட பிள்ளைகள் நீங்கள் தாத்தாவால் வளர்க்கப்பட்ட பிள்ளைகள் தாய் வளர்த்த பிள்ளைகளுக்கும் தாத்தா வளர்த்த பிள்ளைகளுக்கும் இதுதான் வித்தியாசம். நாங்கள் அனைவரும் பெண்களை தெய்வமாக வணங்குகிறோம். நீங்கள் தொடர்ந்து பெண்களை இழிவாக பேசி வருகிறீர்கள்.

ஒட்டுமொத்த பெண் சமுதாயமும் உதயநிதி ஸ்டாலின் செல்லுமிடமெல்லாம் செருப்படி கொடுக்க தயாராக உள்ளனர். எனவே உதயநிதி ஸ்டாலின் நாவடக்கம் தேவை இனிமேலும் தொடர்ந்து பெண்களை இழிவுபடுத்தும் வகையில் பேசினால் தினம்தோறும் உதயநிதி ஸ்டாலினை கண்டித்து கண்டன ஆர்ப்பாட்டம் நடைபெறும். முதலமைச்சரிடம் இதுகுறித்து உதயநிதி மன்னிப்பு கேட்க வேண்டும் பிஞ்சிலேயே பழுத்த பழம் என்பார்கள் அது உதயநிதி ஸ்டாலினுக்கு மிகவும் பொருத்தமாக உள்ளது. அவர் தாத்தா காலம் முதல் அவர் அப்பா காலம் முதல் இன்றுவரை தொடர்ந்து பெண்களுக்கு எதிரான வன்முறைகளை கொண்ட ஒரே இயக்கமாக திமுக திகழ்கிறது. இதற்கெல்லாம் வரும் சட்டமன்ற தேர்தலில் பொது மக்கள் திமுகவை விரட்டியடிக்க தயாராகிவிட்டனர்.

இவ்வாறு வி.அலெக்சாண்டர் எம்.எல்.ஏ பேசினார்.

ஆர்ப்பாட்டம் முடிவில் உதயநிதி ஸ்டாலினை கண்டித்து கண்டன கோஷங்களும் உருவ பொம்மையும் எரிக்கப்பட்டன. அந்த உருவபொம்மை மீது பெண்கள் செருப்பு, துடைப்பத்தால் அடித்தது பரபரப்பை ஏற்படுத்தியது.