தற்போதைய செய்திகள்

பொய் சொல்லி ஓட்டுகேட்டு வரும் தி.மு.க.வினரை விரட்டியடிக்க வேண்டும் – மகளிர் கூட்டத்தில் அமைச்சர் ஓ.எஸ்.மணியன் ஆவேசம்

நாகப்பட்டினம்:-

பொய்களை சொல்லி ஓட்டுகேட்டு வரும் தி.மு.க.வினரை விரட்டியடிக்க வேண்டும் என்று மகளிர் கூட்டத்தில் அமைச்சர் ஓ.எஸ்.மணியன் பேசினார்.

நாகப்பட்டினம் நகர மகளிர் பூத் குழு உறுப்பினர்கள் ஆலோசனை கூட்டம் மாவட்ட கழக அலுவலகத்தில்
நாகை நகர கழகச் செயலாளர் தங்க.கதிரவன் தலைமையில் நடைபெற்றது. இக்கூட்டத்தில் கைத்தறி மற்றும் துணிநூல் துறை அமைச்சர் ஓ.எஸ்.மணியன், கழக இலக்கிய அணி செயலாளரும், முன்னாள் அமைச்சருமான பா.வளர்மதி, கழக மகளிர் அணி செயலாளரும் முன்னாள் நாடாளுமன்ற உறுப்பினருமான விஜிலா சத்தியானந்த் ஆகியோர் சிறப்புரையாற்றினர்.

இக்கூட்டத்தில் அமைச்சர் ஓ.எஸ்.மணியன் பேசியதாவது:-

எடப்பாடியாரின் அரசு புரட்சித்தலைவி அம்மா அவர்கள் அறிவித்த திட்டங்கள் மட்டுமில்லாது மேலும் பல எண்ணற்ற திட்டங்களை நிறைவேற்றியுள்ளது. எதிர்வரும் சட்டமன்ற தேர்தலில் கழக அரசின் சாதனைகளை மகளிர் பூத் குழு உறுப்பினர்கள் வீடு, வீடாக சென்று பொதுமக்களிடம் எடுத்துச் சொல்ல வேண்டும்.

ஸ்டாலின் பொய் பிரச்சாரம் செய்கிறார். ஸ்டாலின் வாய் திறந்தாலே பொய். தி.மு.க.வினர் ஓட்டுகேட்டு வந்தால் ஓடி, ஓடி விரட்டி அடிக்க வேண்டும். தாய்குலங்களாகிய உங்களால் மட்டுமே இது முடியும். இங்கு கூடி இருக்கும் மகளிர் கூட்டத்தை பார்த்தாலே தெரிகிறது. வரும் சட்டமன்ற தேர்தலில் எடப்பாடியார் அரசு தான் மீண்டும் ஆட்சி அமைக்கும். இதில் எந்தவித மாற்றுக் கருத்துமில்லை.

இவ்வாறு அமைச்சர் ஓ.எஸ்.மணியன் பேசினார்.

இக்கூட்டத்தில் மாவட்ட கழக அவைத்தலைவர், ஆர்.ஜீவானந்தம், கழக அமைப்புச் செயலாளர் எஸ்.ஆசைமணி, முன்னாள் சட்டமன்ற உறுப்பினர் மா.சக்தி, நாகை வடக்கு, தெற்கு ஒன்றிய கழக செயலாளர்கள் பன்னீர் குணசேகரன், திருமருகல் வடக்கு, தெற்கு ஒன்றிய கழக செயலாளர்கள் ஆர்.ராதாகிருட்டிணன், எம்.பக்கிரிசாமி, கீழ்வேளூர் வடக்கு, தெற்கு ஒன்றிய கழக செயலாளர்கள் எம்.சிவா, வெண்மணி குமார், மற்றும் மாவட்ட, நகர, ஒன்றிய கழக பொறுப்பாளர்கள், மகளிர் அணியினர்கள் கலந்து கொண்டனர்.