தற்போதைய செய்திகள்

பொங்கல் விழாவை முன்னிட்டு வீடு வீடாக கரும்பு – விருகை ஏ.என்.ரவி எம்.எல்.ஏ வழங்கினார்

சென்னை

பொங்கல் திருநாளை முன்னிட்டு சட்டமன்ற உறுப்பினர் விருகை ஏ.என்.ரவி எம்.எல்.ஏ விருகம்பாக்கம் பகுதியில் வீடு வீடாக சென்று கரும்பு வழங்கினார்.

தென் சென்னை தெற்கு மாவட்டம் விருகம்பாக்கம் பகுதி 128-வது வட்டத்தில் உள்ள அனைத்து தெருகளிலும் பொங்கலை முன்னிட்டு தென் சென்னை தெற்கு மாவட்ட கழக செயலாளரும் விருகம்பாக்கம் சட்டமன்ற உறுப்பினருமான விருகை ஏ.என்.ரவி எம்.எல்.ஏ வீடு வீடாக சென்று கரும்பை வழங்கினார்.

பின்னர் சட்டமன்ற உறுப்பினர் பேசுகையில்:-

இதயதெய்வம் அம்மா அவர்களின் வழியில் நல்லாட்சி நடத்தும் நமது முதலமைச்சர் பல்வேறு வளர்ச்சி பணிகளை தமிழ்நாடு முழுவதும் முடுக்கி விட்டுள்ளார். அதன் காரணமாக முன்னெப்போதும் இல்லாத வகையில் வளர்ச்சி திட்டங்கள் தமிழகம் முழுவதும் பரவலாக நடைபெற்று வருகின்றது. கொரோனா பாதிப்பால் உலகமே பாதிக்கப்பட்ட நிலையில் இந்தியாவிலேயே கொரோனா தடுப்பு நடவடிக்கைகளில் நம்பர்-1 மாநிலமாக மாற்றினார் நமது முதலமைச்சர். அதை தொடர்ந்து நிவர் மற்றும் புரவி புயலால் தமிழகத்தில் எந்த பாதிப்பும் எற்படாத வகையில் முன்னெச்சரிக்கை நடவடிக்கைகளை எடுத்து எந்த உயிர் சேதம் ஏற்படாத வகையில் தமிழகத்தை மீட்டார்.

மேலும் கொரோனா தடுப்பு நடவடிக்கையால் மக்கள் எந்த விதத்திலும் பாதிக்கபட்டு விடக்கூடாது என்று திட்டங்களை செயல்படுத்தி வருகிறார். கொரோனா தடுப்பு நடவடிக்கை கால கட்டங்களிலும் மக்கள் பாதிக்கபாடாமல் இருப்பதற்கு நியாய விலை கடைகளின் இலவசமாக பொருட்களை வழங்கினார். மக்கள் பொங்கல் திருநாளை சிறப்பாக கொண்டாடும் பொருட்டு அனைத்து குடும்ப அட்டைதாரருகளுக்கும் ரொக்கமாக ரூபாய்-2500 கூடிய பொங்கல் பரிசு தொகுப்பு வழங்கினார். இதனால் பொது மக்கள் மிகவும் மகிழ்ச்சியாக இருக்கிறார்கள். தை பொங்கல் தமிழக மக்களுக்கு இனிய தொடக்கமாக அமைய கருப்புகளை வழங்கி அனைவருக்கும் வாழ்த்துகளை தெரிவித்து வருகிறோம்.

இவ்வாறு விருகை ஏ.என்.ரவி எம்.எல்.ஏ பேசினார்.

இந்நிகழ்ச்சியில் பகுதி கழக செயலாளர்கள் சி.கே.முருகன், வட்டகழக செயலாளர் ஏ.ராமமுர்த்தி, ஏ.அண்ணாமலை, வி.என.பன்னீர்செல்வம், ஏ.ஆர்.இனியன், செல்லா, ஆர்.ஏழுமலை, என்.ராஜா, மோகன், முரளி, பாடகர் பாபு, பால்ராஜ், தினேஷ், போட்டோ.முருகன், மனோகர், வி.ஆர்.சுரேஷ், எம்.மணிகண்டன், கோபி, சரவணன், வைஷ்ணவ், தினகர், ஆனந்த், முருகன், மூர்த்தி, கார்த்திக் முரளி மற்றும் மாநகராட்சி அதிகாரிகளும், நிர்வாகிகளும், கழகத் தொண்டர்களும், பொது மக்களும் கலந்து கொண்டனர்.