தற்போதைய செய்திகள்

உதயநிதியின் பெண்களின் மீதான இழிவான பேச்சு தொடர்ந்தால் சட்டம் தன் கடமையை செய்யும் – அமைச்சர் க.பாண்டியராஜன் பேட்டி

அம்பத்தூர்

ஆவடி சட்டமன்ற தொகுதிக்குட்பட்ட பருத்திப்பட்டு ஏரி பூங்காவில் ஆவடி மாநகராட்சி தூய்மைப் பணியாளர்கள் குடும்பத்துடன் கொண்டாடிய சமத்துவ பொங்கல் திருவிழா நடைபெற்றது இதில் தமிழ் வளர்ச்சி மற்றும் தொல்லியல் துறை அமைச்சர் க.பாண்டியராஜன், தனது மனைவி லதா பாண்டியராஜன் உடன் கலந்து கொண்டு அவர்களுடன் கலந்துரையாடி மதிய உணவு அருந்தி சமத்துவ பொங்கல் கொண்டாடினார். நிகழ்ச்சியில் நகைச்சுவை நடிகர் விவேக் கலந்துகொண்டு ஆவடி சட்டமன்ற தொகுதி ஒரு முன்மாதிரி தொகுதியாக மாற்றிய அமைச்சர் க.பாண்டியராஜன் மற்றும் தமிழக அரசுக்கும் தனது பாராட்டுக்களை தெரிவித்தார்.

பின்னர் அமைச்சர் க.பாண்டியராஜன் செய்தியாளர்களிடம் பேசியதாவது:-

ஆவடி மாநகராட்சியின் தூய்மை காவலர்கள் 1350 நபர்களுக்கு பொங்கல் பரிசு வழங்கி தமிழ் கலாச்சாரப்படி கோலப்போட்டி, சடுகுடு விளையாட்டு போன்ற கலை நிகழ்ச்சிகளை நடத்தி அவர்களுடன் மதிய உணவு அருந்தி சமத்துவ பொங்கல் கொண்டாடினோம்.

இன்று தமிழகம் முழுவதும் பெண்களை பெண்ணினத்தை தொடர்ந்து இழிவாக பேசி வரும் உதயநிதி ஸ்டாலினை கண்டித்து கழகத்தின் சார்பில் கண்டன ஆர்ப்பாட்டங்கள் நடைபெற்று வருகின்றன உதயநிதியின் பேச்சு விறைய பேச்சு விதண்டாவாத பேச்சு திமுகவின் வாக்கு வங்கியை உதயநிதி ஸ்டாலின் பேச்சு குறைத்துவிடும் தொடர்ந்து இது போன்ற பெண்களை இழிவுபடுத்தும் வகையில் உதயநிதி ஸ்டாலின் பேசினால் சட்டம் தன் கடமையை செய்யும்.

இன்று தொண்டர்கள் கடும் கொந்தளிப்புடன் கண்டன ஆர்ப்பாட்டத்தை முன்னோக்கி எடுத்துச் சென்றுள்ளனர் தொடர்ந்து இதுபோன்ற செயலில் உதயநிதி ஈடுபட்டால் அரசு சார்பில் நடவடிக்கை எடுக்கப்படும் சினிமாவில் வேண்டுமானால் அவர் இரண்டு அல்லது மூன்று அர்த்தங்களில் காமெடி ஹீரோ மாதிரி பேசலாம் ஆனால் அரசியலில் ஒரு உலக தலைவருக்கு ஒப்பற்ற தலைவரை பேசுவதை தமிழ்நாட்டு மக்கள் ஒருபோதும் ஏற்றுக்கொள்ள மாட்டார்கள் எனவே உதயநிதி ஸ்டாலினுக்கு நாவடக்கம் தேவை.

இவ்வாறு அமைச்சர் க.பாண்டியராஜன் கூறினார்.

நிகழ்ச்சியில் முன்னாள் அமைச்சர் எஸ்.அப்துல்ரஹீம், ஆவடி மாநகராட்சி கமிஷனர் நாராயணன்,
ஆவடி நகர கழக செயலாளர் ஆர்.சி.தீனதயாளன் உட்பட நகர கழக வட்ட கழக நிர்வாகிகள் பலர் கலந்து கொண்டனர்