தற்போதைய செய்திகள்

அமைச்சர் ஆர்.பி.உதயகுமார் தலைமையில் திமுக வை கண்டித்து ஆர்ப்பாட்டம்

மதுரை

மதுரை புறநகர் மேற்கு மாவட்ட கழகத்தின் சார்பில் அரசியல் அநாகரிக நடவடிக்கைகளை தொடர்ந்து கடைப்பிடித்து வருகின்ற திமுகவை கண்டித்து அமைச்சர் ஆர்.பி.உதயகுமார் தலைமையில் மாபெரும் கண்டன ஆர்ப்பாட்டம் நடைபெற்றது.

மதுரை புறநகர் மேற்கு மாவட்ட கழகத்தின் சார்பில் திமுகவை கண்டித்து டி.கல்லுப்பட்டி மாபெரும் பணி நடைபெற்றது. இதற்கு ராமசாமி தலைமை தாங்கினார். பி.ஐயப்பன் பாவடியான், முனியம்மாள், நெடுமாறன், கிருஷ்ணன் ஆகியோர் முன்னிலை வகித்தனர் திருப்பதி, ராமகிருஷ்ணன், பாலசுப்ரமணியன், மாணிக்கம், சம்பத் ஆகியோர் உரையாற்றினர். இந்த கூட்டத்தில் கழக அம்மா பேரவை செயலாளரும், மதுரை புறநகர் மேற்கு மாவட்ட கழக செயலாளரும், அமைச்சருமான ஆர்.பி.உதயகுமார் கண்டனஆர்ப்பாட்டத்தில் உரையாற்றினார்.

இந்த கண்டன ஆர்ப்பாட்டத்தில் திருமங்கலம், உசிலம்பட்டி, சோழவந்தான் ஆகிய தொகுதியைச் சார்ந்த கழக நிர்வாகிகள் மற்றும் பெண்கள் ஏராளமானோர் கலந்துகொண்டு திமுகவை கண்டித்து கடுமையான கோஷமிட்டனர். அதனை தொடர்ந்து வரும் சட்டமன்ற தேர்தலில் திமுகவை புறக்கணிப்போம் என்ற வாசகத்தை அனைத்து மக்களுக்களிடத்தில் எடுத்துச் சொல்வோம் என்று முழக்கமிட்டனர்.

இந்த கண்டன ஆர்ப்பாட்டத்தில் அமைச்சர் ஆர்.பி.உதயகுமார் பேசியதாவது:-

இந்தத் தைத்திருநாளில் கூட திமுக வை கண்டித்து நடைபெறும் இந்த கண்டன ஆர்ப்பாட்டத்தில் மக்கள் திரண்டு இருப்பதைப் பார்த்தால் அநீதி எங்கே நடந்தாலும் அதைத் தட்டிக்கேட்கும் மாவட்டமாக மதுரை புறநகர் மேற்கு மாவட்டம் என்பதற்கு சாட்சியாக இக்கூட்டம் திகழ்கிறது.

நாம் ஆட்சி அதிகாரத்தில் இருந்தால்கூட ஜனநாயக கடமையை கடைப்பிடித்து வருகிறோம் உதயநிதியின் பக்குவமற்ற பேச்சு அநாகரித்தின் உச்சகட்டமாக உள்ளது தாயை தெய்வமாக வணங்கும் இனம் தமிழினம் அந்தத் தாயை முகம் சுளிக்கும் வகையில் பேசியது தமிழினமே வேதனைப் பட்டுக் கொண்டிருக்கிறது என்பதை உதயநிதிக்கு நான் சுட்டிக்காட்ட விரும்புகிறேன்ஆனால் இந்த பேச்சிற்கு திமுகவிற்கு ஜால்ரா போடும் கூட்டம் ஆமாம் சாமி போட்டு வருகிறது.

வருவாய் துறை அமைச்சராக இருந்த நாஞ்சில் மனோகரன் கருணாநிதியை கருவின் குற்றம் என்று கூறினார் எனக்கு அது தற்போது நினைவுக்கு வருவது என்பதை சுட்டிக்காட்ட விரும்புகிறேன்.மக்களிடத்தில் வாக்குகள் பெற வேண்டும் என்றால் மக்களை சந்திக்க வேண்டும் ஆனால் கொரோனா காலத்தில் ஸ்டாலின் எங்கே போனார் நான்கு அறைக்குள் உட்கார்ந்து கூலிங் கிளாஸ் போட்டுக்கொண்டு கட்சிக்காரர்களிடம் மட்டும் பேசினார் ஸ்டாலின்.

ஆனால் தன் உயிரை பணயம் வைத்து அம்மாவின் வழியில் அனைத்து மாவட்டங்களுக்கும் நோய் தடுப்பு நடவடிக்கை மேற்கொண்டு விவசாயிகள் மட்டுமல்லாது அனைத்து மக்களும் சந்தித்தவர் நமது முதலமைச்சர்.தற்போது கொரோனா தடுப்பூசி கண்டுபிடித்ததுடன் தற்போது வெளியே வருகிறார் ஸ்டாலின் மக்கள் இதையெல்லாம் பார்த்துக்கொண்டு தான் இருக்கிறார்கள்.தற்பொழுது 16-ந்தேதி முதலமைச்சர் கொரோனா தடுப்பூசியை மதுரையில் தொடங்கி வைக்கிறார் இதே போன்று புரட்சித்தலைவர் நூற்றாண்டு விழாவை மதுரையில் தொடங்கி வைத்தார் என்பதை சுட்டிக்காட்ட விரும்புகிறேன்.

ஐந்து முறை தமிழகத்தை ஆண்ட திமுக மக்களுக்கு எதுவும் செய்யவில்லை ஆனால் புரட்சித்தலைவர் செய்த சத்துணவு திட்டத்தை ஐக்கிய நாடுகள் பாராட்டியது அதனைத் தொடர்ந்து புரட்சித்தலைவி அம்மா பெண்களுக்கு விலையில்லா மிக்ஸி கிரைண்டர் மின்விசிறிகள், தாலிக்கு தங்கம்திட்டம், கர்ப்பிணி பெண்களுக்கு உதவி தொகை, பெண்களுக்கு காவல் நிலையங்கள், பெண் கமாண்டோ படைகள் சொல்லிக்கொண்டே போகலாம் முதலமைச்சர் எடுத்துக்கொண்டால் உள்ளாட்சி தேர்தலில் பெண்கள் பெண்களுக்கு 50 சகவீத இட ஒதுக்கீடு வழங்கினார் பெண்களுக்கு பல்வேறு பாதுகாப்பு அம்சங்களை உருவாக்கியுள்ளார்.

ஆனால் கருணாநிதி காலத்தில் பிச்சைக்காரர்கள் மறுவாழ்வு திட்டம் ஒன்றை உருவாக்கினார்கள் மக்களை பிச்சைக்காரர்கள் ஆக்குவதற்காக இது உருவாக்கினார் என்பதை மக்களே சொன்னார்கள். பேரறிஞர் அண்ணா, புரட்சித்தலைவர் ஆகியோர் காலத்தில் அண்ணன் தம்பியாக இருந்தோம் தற்போது தலைவனை தெய்வமாகவும், தொண்டனை பக்தனாகவும் இந்த இயக்கத்தில் இப்போது உருவாகியுள்ளது.

உதயநிதி ஒரு சுண்டைக்காய் முதலமைச்சர் பற்றி பேச உதயநிதிக்கு என்ன தகுதி உள்ளது முதலமைச்சர் 49 ஆண்டுகால பொது வாழ்வில் மக்களுக்காக பல்வேறு சேவைகளை செய்து படிப்படியாக இன்று உயர்ந்துள்ளார்.திமுக ஆட்சிக்கு வர துடிக்கிறது மக்களுக்காக திமுக என்ன தியாகம் செய்தது என்பதை நாட்டு மக்களுக்கு திமுக கூற முடியுமா.இன்றைக்கு கோயபல்ஸ் பொய் பிரச்சாரம் செய்துவரும் ஸ்டாலின் மற்றும் பெண்களை இழிவுபடுத்திப் பேசிய உதயநிதி ஆகியோருக்கு மதுரை புறநகர் மேற்கு மாவட்டம் கடும் கண்டனத்தை தெரிவித்து மட்டுமல்லாது.

வருகின்ற 2021 சட்டமன்ற தேர்தலில் இந்த தீயசக்தி திமுகவிற்கு சரியான சவுக்கடி நீங்கள் கொடுத்து மீண்டும் தமிழகத்தில் புரட்சித் தலைவர் மற்றும் புரட்சித்தலைவி அம்மா ஆகியோரின் புனித ஆட்சி மலர முதலமைச்சர் மற்றும் துணை முதலமைச்சர் ஆகியோரின் வெற்றி சின்னமான இரட்டை இலைக்கு நீங்கள் வாக்களித்து அமோக வெற்றி பெற்றுத் தர வேண்டும்.

இவ்வாறு அமைச்சர் ஆர்.பி.உதயகுமார் பேசினார்.