தற்போதைய செய்திகள்

மதுரை அவனியாபுரம் ஜல்லிக்கட்டு – அமைச்சர் செல்லூர் ராஜூ, வி.வி.ராஜன் செல்லப்பா எம்.எல்.ஏ தொடங்கி வைத்தனர்

மதுரை

மதுரை அவனியாபுரம் ஜல்லிக்கட்டு போட்டியை அமைச்சர் செல்லூர் ராஜூ, வி.வி.ராஜன் செல்லப்பா எம்.எல்.ஏ ஆகியோர் தொடங்கி வைத்தனர்.

தமிழர்களின் வீரத்தை பறைசாற்றும் வகையில் ஆண்டுதோறும் தை பொங்கல் அன்று மதுரை அவனியாபுரத்தில் ஜல்லிக்கட்டு விழா நடைபெறும் அதனை தொடர்ந்து இந்த ஆண்டு நடைபெற்ற ஜல்லிக்கட்டு விழா காலை 8 மணிக்கு துவங்கியது.

இந்த ஜல்லிக்கட்டு போட்டிகளை கூட்டுறவுத்துறை அமைச்சர் செல்லூர் கே ராஜூ, மதுரை புறநகர் கிழக்கு மாவட்ட கழக செயலாளர் ராஜன் செல்லப்பா எம்எல்ஏ ஆகியோர் தலைமையில் ஜல்லிக்கட்டு வீரர்கள் அரசின் விதிப்படி காளைகளை அடக்குவோம் என்று உறுதிமொழியை வாசித்தனர். அதனைத் தொடர்ந்து பச்சைக் கொடி அசைத்து ,அதனைத் தொடர்ந்து கோயில் சார்பில் அனுப்பப்பட்ட ஜல்லிக்கட்டு காளைகளுக்கு அமைச்சர் செல்லூர் ராஜூ வி.வி.ராஜன் செல்லப்பா எம்எல்ஏ ஆகியோரும் மரியாதை செய்தனர்.

இந்த ஜல்லிக்கட்டு போட்டியில் பரிசோதனை செய்யப்பட்ட 430 வீரர்கள், 922 காளைகளும் களத்தில் இருந்தனர் அதுமட்டுமல்லாது வீரர்களுக்கு சிகிச்சை அளிக்க 10 ஆம்புலன்ஸ்களும், காளை வைத்து சிகிச்சை அளிக்க 2 ஆம்புலன்ஸ்களும் தயார் நிலையில் இருந்தது அதே போல் 14 மருத்துவ குழுவினர் இருந்தனர்.

இந்த போட்டியில் மதுரை புறநகர் கிழக்கு மாவட்டத்தின் சார்பில் சிறந்த மாடுபிடி வீரர்களுக்கு முதலமைச்சர் பெயரில் ஒரு லட்சம் ரூபாய் பரிசுத் தொகையும், சிறந்த காளைகளுக்கு துணை முதலமைச்சர் பெயரில் 50,000 ரூபாய் தொகையும் வழங்கப்படும் என்று மதுரை புறநகர் கிழக்கு மாவட்ட செயலாளர் செல்லப்பா அறிவித்தார்.இந்த ஜல்லிக்கட்டு போட்டியில் 26 காளையை அடக்கிய முத்துப்பட்டி திருநாவுக்கரசு, அவனியாபுரம் விஜயனுக்கு முதல் பரிசாக டூவீலர்கள் வழங்கப்பட்டன மதுரை வில்லாபுரம் கார்த்திக் காளை சிறந்த காளைக்கான முதல் பரிசை வென்றது.

இந்நிகழ்வில் போலீஸ் கமிஷனர் பிரேம் ஆனந்த் சின்கா தலைமையில் 1500 போலீசார் பாதுகாப்பு பணியில் ஈடுபட்டனர் இந்த ஜல்லிக்கட்டு போட்டியில் மாவட்ட ஆட்சித் தலைவர் அன்பழகன், மாநகராட்சி ஆணையாளர்விசாகன், மற்றும் மதுரை மண்டல தகவல் தொழில்நுட்ப பிரிவு செயலாளர் வி.வி.ஆர்.ராஜ்சத்யன், கழக அமைப்புச் செயலாளர் முத்துராமலிங்கம், மாவட்ட இளைஞரணி செயலாளர் வக்கீல் ரமேஷ், திருப்பரங்குன்றம் ஒன்றிய கழக செயலாளர் நிலையூர் முருகன், மாவட்ட கழக துணைச் செயலாளர் ரா.முத்துகுமார், மாவட்ட மன்ற செயலாளர் ஓம்.கே.சந்திரன், பகுதி கழக செயலாளர்கள் கருணா, முருகேசன், பன்னீர்செல்வம், மதுரை மாநகர் மாவட்ட கழக பொருளாளர் ஜெ.ராஜா, அனைத்துலக எம்ஜிஆர் மன்ற துணை செயலாளர் எம்.எஸ்.பாண்டியன் உட்பட பலர் கலந்து கொண்டனர்.