தாலிக்கு தங்கம், திருமண உதவி திட்டத்தை கைவிடாதீர்கள்-சட்டப்பேரவையில் காங்கிரஸ் உறுப்பினர் விஜயதரணி வலியுறுத்தல்

சென்னை,
தாலிக்கு தங்கம், திருமண உதவி திட்டத்தை கைவிடாதீர்கள் என்று காங்கிரஸ் சட்டமன்ற உறுப்பினர் விஜயதரணி பேசினார்.

சட்டப்பேரவையில் நேற்று நீர்வளத்துறை மானியக்கோரிக்கை மீதான விவாதத்தில் காங்கிரஸ் சட்டமன்ற உறுப்பினர் விஜயதரணி (காங்கிரஸ்) பேசியதாவது:-

மாணவிகளின் உயர் கல்விக்காக மாதம் ரூ.1,000 வழங்குவது நல்ல திட்டம் தான். அதே நேரத்தில் மகளிரின் திருமணத்திற்காக வழங்கப்பட்ட தாலிக்கு தங்கம் திட்டமும் நல்ல திட்டம்தான். அந்த திட்டம் தொடரப்பட வேண்டும். அது உங்களுக்கும் பயன்படும். திருமண உதவி திட்டத்தையும் கைவிடாதீர்கள்.

அதுபோல மினி கிளினிக் பயனுள்ளதாகத்தான் இருந்தது. தற்போது அவற்றை மூடிவிட்டு அரசு ஆரம்ப சுகாதார நிலையம் மேம்படுத்தப்படுகிறது. இருப்பினும் அங்கு மருத்துவர்கள் இல்லை. இந்த நிலையை மாற்ற வேண்டும்.

இவ்வாறு விஜயதரணி பேசினார்.