தற்போதைய செய்திகள்

அமைச்சர் எஸ்.பி.வேலுமணி முன்னிலையில் பல்வேறு கட்சிகளை சேர்ந்தவர்கள் கழகத்தில் இணைந்தனர்

கோவை

நகராட்சி நிர்வாகம், ஊரக வளர்ச்சி மற்றும் சிறப்பு திட்டங்கள் செயலாக்கத்துறை அமைச்சர் எஸ்.பி.வேலுமணி முன்னிலையில் கோவை மாவட்ட காங்கிரஸ் சிறுபான்மை பிரிவு மாவட்ட தலைவர் ரெஜினா நீலம் தலைமையில் 40 க்கும் மேற்பட்டோரும், திமுக, காங்கிரஸ் கட்சிகளை சேர்ந்தவர்களும் கழகத்தில் அடிப்படை உறுப்பினர்களாக இணைந்தனர்.

புரட்சித்தலைவி அம்மா வழியில் முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் சிறப்பான ஆட்சி நடத்தி வருகிறார்கள். இதனால் தமிழகம் பல்வேறு துறைகளில் வளர்ச்சி பாதையில் சென்று கொண்டு இருக்கிறது.

உலகமே கொரோனாவால் முடங்கிக் கிடக்கும் இச்சூழலில்கூட தமிழகத்தில் வளர்ச்சிப் பணிகள் எந்தவிதமான தங்கு தடையுமின்றி சிறப்பான முறையில் நடந்து கொண்டிருக்கிறது. மேலும் பொதுமக்களுக்காக எண்ணற்ற திட்டங்களையும், பல்வேறு சிறப்பு முயற்சிகளையும் மேற்கொண்டு வருகின்றது. மேலும் சிறுபான்மையினருக்கு எண்ணற்ற திட்டங்களை வழங்கி பாதுகாப்பு அரணாக விளங்கி வருகிறது.

இந்நிலையில் கழக அமைப்புச் செயலாளரும், கோவை புறநகர் தெற்கு மாவட்ட கழக செயலாளரும், நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சருமான எஸ்.பி.வேலுமணி முன்னிலையில் கோவை மாவட்ட காங்கிரஸ் சிறுபான்மை பிரிவு மாவட்ட தலைவர் ரெஜினா நீலம் தலைமையில் மாவட்ட துணைத்தலைவர் அப்பாஸ், ஒருங்கிணைப்பாளர்கள் ஆண்டனி ஜெயச்சந்திரன், ஜாக் வில்சன், வார்டு செயலாளர்கள் அப்துல் ஜலீல், ஜோசப் அமல்ராஜ், டி.ஜே.மார்க் ஆண்டனி மற்றும் ரோஸ்னா ஜோசப், மணிகண்டன், ராக்கேஷ், ரேவதி, சலீம், சேக், முகமது நஸ்ரீலாம், சபரித், அமின்பாய், ராபியா, சைபுல்லாஹ், ஜாகிர் உசேன், கார்த்திக், ஜோதி, ஆனந்த்,நாகசெல்வம், சிவகாமி மற்றும் பல்வேறு கட்சிகளை சேர்ந்தவர்களும் கழகத்தில் அடிப்படை உறுப்பினர்களாக தங்களை இணைத்துக்கொண்டனர்.

புதிதாக கழகத்தில் இணைந்தவர்களுக்கு நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத் துறை அமைச்சர் எஸ்.பி.வேலுமணி வாழ்த்துக்களை தெரிவித்தார். மேலும் கழகத்தில் இன்று இணைந்தவர்கள் கழக அரசின் சாதனைகளையும், மக்கள் நலத்திட்டங்களையும் பொதுமக்களுக்கு கொண்டுசென்றிடும் வகையில், கழகப் பணிகளுக்கு துணை நின்று சிறப்புடன் செயலாற்றிட வேண்டுகிறேன். உங்களுக்கு கழக அரசு என்றும் துணை நிற்கும் என்று தெரிவித்தார்.

அப்போது குனியமுத்தூர் பகுதி கழக செயலாளர் த.மதனகோபால், பகுதி தலைவர் எஸ்.எம்.உசேன், பகுதி கழக துணைச் செயலாளர் ஆர்.அருணகிரிநாதன், தகவல் தொழில்நுட்ப பிரிவு மாவட்ட செயலாளர் ஆர்.சசிக்குமார் ஆகியோர் உடனிருந்தனர்.