தற்போதைய செய்திகள்

பென்னாகரம் பேரூராட்சியில் 272 அடுக்குமாடி குடியிருப்பு அமைச்சர் கே.பி.அன்பழகன் பூமி பூஜை

தருமபுரி

தருமபுரி மாவட்டம் பென்னாகரம் பேரூராட்சி போடூரில் தமிழ்நாடு குடிசை மாற்று வாரியம் சார்பில் ரூ.26.66 கோடி மதிப்பில் 272 அடுக்கு மாடி குடியிருப்பு கட்டுமான பணியை உயர்கல்வி மற்றும் வேளாண்மைத்துறை அமைச்சர் கே.பி.அன்பழகன் பூமி பூஜை செய்து தொடங்கி வைத்தார். இவ்விழாவிற்கு மாவட்ட வருவாய் அலுவலர் க.ராமமூர்த்தி தலைமை வகித்தார்.
இவ்விழாவில் அமைச்சர் கே.பி.அன்பழகன் பேசியதாவது:-

தருமபுரி மாவட்டம் பென்னாகரம் பேரூராட்சி போடூரில் தமிழ்நாடு குடிசை மாற்று வாரியம் சார்பில் ரூ.26.66 கோடி மதிப்பில் 272 அடுக்கு மாடி குடியிருப்புகள் கட்டிடம் அமைக்கும் பணிகள் தொடங்கி வைக்கப்படுகிறது. ஒவ்வொரு வீடும் தலா 400 சதுர அடிகள் பரப்பளவில் அமையவுள்ளது. இப்பணிகள் 15 மாதங்களில் நிறைவுற்று விரைவில் மக்கள் பயன்பாட்டிற்கு கொண்டு வரப்படும்.

இவ்வாறு அமைச்சர் கே.பி.அன்பழகன் பேசினார்.

இந்நிகழ்வில் சார் ஆட்சியர் மு.பிரதாப், மாவட்ட பால் உற்பத்தியாளர்கள் கூட்டுறவு ஒன்றிய தலைவர் டி.ஆர்.அன்பழகன், மாவட்ட மத்திய கூட்டுறவு வங்கி துணைத்தலைவர் வேலுமணி, தமிழ்நாடு குடிசை மாற்று வாரிய செயற்பொறியாளர் ரவிச்சந்திரன், உதவி செயற்பொறியாளர் விஜயமோகன், வட்டாட்சியர் சேதுலிங்கம், பேரூராட்சி செயல் அலுவலர் கீதா, கூட்டுறவு சங்க தலைவர்கள் பழனிசாமி, ஆறுமுகம், முன்னாள் ஒன்றியக்குழு துணைத்தலைவர் மதியழகன் ஆகியோர் உள்பட பலர் கலந்து கொண்டனர்.