தற்போதைய செய்திகள்

புரட்சித்தலைவி அம்மா பெயரில் விழுப்புரத்தில் புதிய பல்கலைக்கழகம்

பேரவையில் மசோதா நிறைவேற்றம்

சென்னை

புரட்சித்தலைவி அம்மா பெயரில் புதிய விழுப்புரத்தில் பல்கலைக்கழகம் அமைப்பதற்கான சட்டமசோதா நேற்று தமிழக சட்டசபையில் தாக்கல் செய்யப்பட்டு நிறைவேற்றப்பட்டது

இந்த மசோதாவை உயர்கல்வி மற்றும் வேளாண்மைத் துறை அமைச்சர் கே.பி.அன்பழகன் தாக்கல் செய்தார்.

விழுப்புரம் மக்களின் கோரிக்கையை ஏற்று கடந்த ஆண்டு செப்டம்பர் மாதம் 16-ந்தேதி அன்று பேரவையில் முதலமைச்சர் எடப்பாடி கே.பழனிசாமி, திருவள்ளூர் பல்கலைக்கழகத்தை 2 ஆக பிரிக்கப்பட்டு விழுப்புரத்தில் புதிய பல்கலைக்கழகம் நிறுவப்படும் என்று அறிவித்திருந்தார்.

புதிய பல்கலைக்கழகம் இந்த கல்வி ஆண்டிலிருந்து செயல்படும் என்றும் முதலமைச்சர் அறிவித்திருந்தார்.இதனை செயல்படுத்தும் வகையில் திருவள்ளூர் பல்கலைக்கழகத்தை 2 ஆக பிரித்து விழுப்புரத்தில் டாக்டர் ஜெ. ஜெயலலிதா பல்கலைக்கழகம் என்ற பெயரில் புதிய பல்கலைக்கழகத்தை நிறுவ அரசு முடிவு செய்துள்ளது. இதற்கான சட்டமசோதாவை நேற்று சட்டசபையில் அமைச்சர் கே.பி.அன்பழகன் தாக்கல் செய்தார்.

பின்னர் இந்த சட்டமசோதா நிறைவேற்றப்பட்டது.