ராமநாதபுரம்

ராமநாதபுரம் மாவட்டத்தில் முதல்வருக்காக முழு கிராமமே கழகத்தில் ஐக்கியம்

ராமநாதபுரம்

முதல்வருக்காக முழு கிராமமே ராமநாதபுரம் மாவட்ட கழக செயலாளர் எம்.ஏ. முனியசாமி மற்றும் பரமக்குடி எம்.எல்.ஏ சதன் பிரபாகர் முன்னிலையில் கழகத்தில் ஐக்கியம் ஆகினர்.

ராமநாதபுரம் மாவட்டம் பரமக்குடி ஒன்றியத்திற்குட்பட்ட வெங்காளூர் கிராமத்தில் கிராம மக்கள் ஒன்று கூடி முடிவெடுத்து ராமநாதபுரம் மாவட்ட கழக செயலாளர் எம்.ஏ. முனியசாமி மற்றும் பரமக்குடி சட்ட மன்ற உறுப்பினர் சதன் பிரபாகர் முன்னிலையில் கழகத்தில் ஆண்கள் மற்றும் பெண்கள் என சுமார் 300-க்கும் மேற்பட்டோர்கள் ஆர்வத்தோடு இணைந்தனர்.

இதுகுறித்து வெங்காளூர் கிராம மக்கள் கூறியதாவது:-

தமிழகத்தில் கொரோனா ஊரடங்கு காலத்தில் ஏழை மக்களை கருத்தில் கொண்டு எங்களின் வாழ்வாதாராம் சிறக்க தாயுள்ளத்தோடு உதவியவர் தமிழக முதல்வர். ஆயிரம் ரூபாய் வழங்கியதோடு தொகுதி எம்.எல்.ஏ. மூலம் கொரோனா வைரஸ் நிவாரண உதவியும் கிடைத்தது அதுபோக மாவட்ட கழக செயலாளர் எம்.ஏ.முனியசாமி காய்கறிகள் மற்றும் அரிசி உள்ளிட்ட உணவுப்பொருட்களை எங்களுக்கு வழங்கினார். பரமக்குடி எம்.எல்.ஏ சதன் பிரபாகர் எங்கள் இல்லம் தேடி வந்து நிவாரணப்பொருட்களை வழங்கினார். அதிமுக இயக்கத்தில் மட்டும் தான் முதல்வரும், சட்டமன்ற உறுப்பினர்களும் எளிமையாக இருக்கின்றனர்.

இந்த ஆட்சி மீண்டும் வர வேண்டும். திமுக நிர்வாகிகள் பலர் திருடர்களாகவும், ஊழல்வாதிகளாகவும் தான் உள்ளனர். வருகிற தேர்தலிலும் அதிமுக தான் வெற்றி பெறும். அதிமுக சார்பில் எங்களுக்கு உதவிகள் தொடர்ந்து கிடைப்பதால் எங்கள் கிராம மக்கள் கூடி முடிவெடுத்து அம்மா ஆட்சியான அதிமுக இயக்கத்தில் எங்களை இணைத்துக்கொண்டோம். எங்கள் கிராமத்திற்கு தொடர்ந்து உதவிகள் செய்து வரும் மாவட்ட கழக செயலாளர் எம்.ஏ.முனியசாமி மற்றும் பரமக்குடி சட்ட மன்ற உறுப்பினர் சதன் பிரபாகர் இருவருக்கும் எங்களின் நெஞ்சார்ந்த நன்றிகளை கூறுகிறோம் என்றனர்.

இந்நிகழ்ச்சியின் போது பரமக்குடி ஒன்றிய கழக செயலாளர் முத்தையா,கவுன்சிலர்கள் அன்பரசு, சுப்பிரமணியன் உட்பட கழக நிர்வாகிகள் பலர் உடனிருந்தனர்.