தற்போதைய செய்திகள்

மக்களின் கஷ்டங்களை இரட்டை இலை போக்கும்-கழக செய்தி தொடர்பாளர் மருது அழகுராஜ் பேச்சு

மதுரை,

வில்வ இலை வியாதிகளை போக்கும், வேப்பிலை பில்லி சூனியத்தை போக்கும். ஆனால் மக்களின் கஷ்டங்களை இரட்டை இலை தான் போக்கும் என்று கழக செய்தி தொடர்பாளர் மருது அழகுராஜ் கூறினார்.

திருமங்கலம் தொகுதி டி.குண்ணத்தூரில் உள்ள அம்மா திருக்கோயிலில் நடைபெற்ற 1000 பகுதி நேர ஆசிரியர்களுக்கு கம்ப்யூட்டர் வழங்கும் விழாவில் கழக செய்தி தொடர்பாளரும், நமது புரட்சித்தலைவி அம்மா நாளிதழ் ஆசிரியருமான மருது அழகுராஜ் பேசியதாவது:-

மனிதன் தெய்வம் ஆகலாம் என்ற கண்ணதாசனின் பாடல் வரிகளுக்கேற்ப பூமிக்கு வந்த சாமிகளான புரட்சித்தலைவர் எம்.ஜி.ஆர்., புரட்சித்தலைவி அம்மா ஆகியோருக்கு திருக்கோயில் கட்டிய அமைச்சர் ஆர்.பி.உதயகுமாருக்கு ஒன்றரை கோடி கழக தொண்டர்கள் சார்பில் நன்றியை தெரிவித்துக் கொள்கிறேன்.
ஆலயத்தில் பொதுவாக பக்தர்களுக்கு விபூதி, கற்கண்டு கொடுப்பார்கள். ஆனால் இந்த ஆலயத்தில் கம்ப்யூட்டர் வழங்குகிறார்கள். மரத்தடி வகுப்பினையும் மடிகணினி வகுப்பாக உருவாக்கியவர் புரட்சித்தலைவி அம்மா அவர்கள்.

அதுமட்டுமல்லா பள்ளி மாணவர்களுக்கு மிதிவண்டி, சீருடை, புத்தகம், புத்தகப்பை, காலணி இப்படி மதிப்பெண்ணை தவிர மற்றதையெல்லாம் கொடுத்தவர் புரட்சித்தலைவி அம்மா அவர்கள்.

இன்றைக்கு மாணவர்கள் மிகவும் அறிவு சார்ந்தவர்களாக இருக்கினற்னர். அவர்களுக்கு பயிற்சி கொடுக்கும் ஆசிரியர்கள் அதற்கு மேல் இருக்க வேண்டும். இப்போது இங்கு வழங்கப்படும் கணினி உங்களுக்கு மிகவும் பயனுள்ளதாக இருக்கும்.

வில்வ இலை வியாதிகளை போக்கும், வேப்பிலை பில்லி சூனியத்தை போக்கும், இரட்டை இலை மக்களின் அனைத்து விதமான கஷ்டங்களையும் போக்கும். ஆகவே வருகின்ற 2001 சட்டமன்றத் தேர்தலில் திருமங்கலம் தொகுதி மக்களுக்காக தன்னையே அர்ப்பணித்து தொண்டாற்றி வரும் புரட்சித்தலைவர், புரட்சித்தலைவி அம்மா ஆகியோருக்கு கோயில் கட்டிய அம்மாவின் தொண்டன் ஆர்.பி.உதயகுமாருக்கு இரட்டை இலைக்கு வாக்களிக்குமாறு கேட்டுக்கொள்கின்றேன்.

இவ்வாறு கழக செய்தி தொடர்பாளர் மருது அழகுராஜ் பேசினார்