திருவண்ணாமலை

அக்ரி எஸ்.எஸ்.கிருஷ்ணமூர்த்தி முன்னிலையில் தி.மு.க., அ.ம.மு.க. கட்சியிலிருந்து 100-க்கு மேற்பட்டோர் கழகத்தில் இணைந்தனர்

திருவண்ணாமலை

தெற்கு மாவட்ட கழக செயலாளர் அக்ரி எஸ்.எஸ்.கிருஷ்ணமூர்த்தி முன்னிலையில் தி.மு.க., அ.ம.மு.க. கட்சியிலிருந்து 100-க்கு மேற்பட்டோர் கழகத்தில் இணைந்தனர்.

திருவண்ணாமலை தெற்கு மாவட்டம், செங்கம் சட்டமன்ற தொகுதிக்கு உட்பட்ட சொர்ப்பனந்தல் ஊராட்சி பெரிய கல்தாம் பாடிகிராமத்தை சேர்ந்த தி.மு.க. இளைஞர் அணியை சார்ந்த அசோகன் உள்ளிட்ட நிர்வாகிகள் மற்றும் அ.ம.மு.க உள்ளிட்ட கட்சிகளிலிருந்து விலகியும் புதிதாக இளைஞர்கள், இளம்பெண்கள் உள்ளிட்ட 100 க்கு மேற்பட்டோர் முன்னாள் அமைச்சரும், மாவட்ட ஆவின் தலைவரும், திருவண்ணாமலை தெற்கு மாவட்ட கழக செயலாளருமான அக்ரி எஸ்.எஸ்.கிருஷ்ணமூர்த்தி முன்னிலையில் கழகத்தில் இணைந்தனர்.

அதனைத்தொடர்ந்து மாற்றுக் கட்சியில் இருந்து வருகை தந்த அனைவருக்கும் வேட்டி மற்றும் சால்வை அணிவித்து மாவட்ட கழக செயலாளர் அக்ரி எஸ்.எஸ்கிருஷ்ணமூர்த்தி வரவேற்றார். நிகழ்ச்சியில் கலந்து கொண்ட அனைவரும் முகக் கவசங்கள் அணிந்து சமூக இடைவெளியை பின்பற்றியும் கிருமிநாசினிகள் பயன்படுத்தியும் கலந்துகொண்டனர்.