தற்போதைய செய்திகள்

மேலகிருஷ்ணன்புதூரில் ரூ.6.87 லட்சம் மதிப்பில் சாலைப்பணிகள் – என்.தளவாய் சுந்தரம் துவக்கி வைத்தார்.

கன்னியாகுமரி

தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம், இராஜாக்கமங்கலம் ஊராட்சி ஒன்றியம், மேலகிருஷ்ணன்புதூர் ஊராட்சிக்குட்பட்ட, மேலகிருஷ்ணன்புதூரில், ரூ.6.87 லட்சம் மதிப்பில் நடைபெறவுள்ள சாலைப்பணிகளை துவக்கி வைத்தார்.

தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம், மாவட்ட ஊராட்சி உறுப்பினர் எம்.ஜாண்சிலின் விஜிலா தனது ஊராட்சி நிதியிலிருந்து, இராஜாக்கமங்கலம் ஊராட்சி ஒன்றியம், மேலகிருஷ்ணன்புதூர் ஊராட்சிக்குட்பட்ட, மேலகிருஷ்ணன்புதூரில், ரூ.2.90 லட்சம் மதிப்பில், நரையன்விளை முதல் பூப்பதி வரை சாலை சாய்தளம் அமைக்கும் பணிகளுக்கும், ரூ.3.97 லட்சம் மதிப்பில், பத்ரகாளி அம்மன் கோவில் பின்புறம் உள்ள சம்பங்குளம் சானல்கரையோரம் சாலையின் இருபுறமும் தடுப்புசுவர் அமைக்கும் பணிகளுக்கும் ஒதுக்கீடு செய்தார்.

நடைபெறவுள்ள இப்பணிகளை தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் துவக்கி வைத்தார்.

இந்நிகழ்ச்சிகளில், மாவட்ட ஆவின் பெருந்தலைவர் எஸ்.ஏ.அசோகன், அரசு ரப்பர் வளர்ப்போர் கூட்டுறவு விற்பனை சங்கத்தலைவர் டி.ஜாண்தங்கம், இராஜாக்கமங்கலம் ஊராட்சி ஒன்றியத்தலைவர் ஆர்.அய்யப்பன், மாவட்ட ஊராட்சி உறுப்பினர் ஜாண்சிலின் விஜிலா, மேலகிருஷ்ணன்புதூர் ஊராட்சி மன்ற தலைவர் பி.ராஜன், மேலகிருஷ்ணன்புதூர் ஊராட்சி மன்ற துணைத்தலைவர் ஆர்.மகாதேவி, வட்டார வளர்ச்சி அலுவலர் அனிதா, வட்டார வளர்ச்சி அலுவலர் (ஊராட்சிகள்) அன்பு, வீராசாமி, சிவகந்தன், மணி மற்றும் பலர் கலந்து கொண்டார்கள்.