சிவகங்கை

முதலமைச்சரை அவதூறாக பேசிய ஸ்டாலின் மீது கடும் நடவடிக்கை

சிவகங்கை மாவட்ட எஸ்.பி.யிடம் கழக நிர்வாகிகள் புகார்

சிவகங்கை

நீதிமன்ற உத்தரவை மீறி முதலமைச்சரை அவதூறாக பேசிய ஸ்டாலின் மீது கடும் நடவடிக்கை எடுக்க வலியுறுத்தி சிவகங்கை மாவட்ட எஸ்.பி.யிடம் கழக நிர்வாகிகள் புகார் மனு அளித்தனர்.

தமிழக முதலமைச்சர் எடப்பாடி கே.பழனிசாமியை அவமரியாதையாக பேசிய தி.மு.க. தலைவர் ஸ்டாலின் மீது நடவடிக்கை எடுக்கக்கோரி சிவகங்கை மாவட்ட மாவட்ட கண்காணிப்பாளரிடம் மாவட்ட கழக செயலாளர் பி.ஆர்.செந்தில் நாதன் தலைமையில் கழகத்தினர் புகார் மனு அளித்தனர்.

இதன் பின்னர் மாவட்ட கழக செயலாளர் பி.ஆர்.செந்தில்நாதன் செய்தியாளர்களிடம் கூறியதாவது:-

சிவகங்கை மாவட்டம் திருப்பத்தூர் அடுத்த வைரவன்பட்டியில், கடந்த 8-ந்தேதி உங்கள் தொகுதியில் ஸ்டாலின் குரல் என்ற நிகழ்ச்சியில் பங்கேற்ற திமுக தலைவர் ஸ்டாலின் முதலமைச்சர் எடப்பாடி கே.பழனிசாமியை அவமரியாதையாக பேசியுள்ளார்.

எங்களது கழகத்தின் ஒன்றரை கோடி தொண்டர்களின் இணை ஒருங்கிணைப்பாளரும், 7 கோடி தமிழக மக்களின் முதல்வரான எடப்பாடி கே.பழனிசாமி தி.மு.க தலைவர் ஸ்டாலின் என்ன பேசுவதென்று தெரியாமல் இழிவாக பேசி வருகிறார்.

16.43 லட்சம் விவசாயிகளின் கூட்டுறவு வங்கிகளில் பெற்ற ரூ.12,110 கோடி பயிர்க்கடனை தள்ளுபடி செய்ததன் மூலம் விவசாயிகளின் முதல்வர் என்று அனைவராலும் போற்றப்படுகிறது. அப்படிப்பட்ட முதலமைச்சரை தி.மு.க தலைவர் ஸ்டாலின் விவசாயிகளின் வாழ்வில் விஷத்தை ஊற்றக் கூடிய விஷக்கிருமி என்று பேசியுள்ளார்.

தமிழக முதலமைச்சரை இழிவாக பேசியதை சிவகங்கை விவசாயிகள், பொதுமக்கள், கழகத் தொண்டர்கள் மத்தியில் பெரும் மனஉளைச்சலை ஏற்படுத்தியுள்ளது. நீதிமன்ற அறிவுறுத்தலை மீறி முதலமைச்சரை அவதூறாக பேசிய தி.மு.க தலைவர் ஸ்டாலின் மீது நடவடிக்கை எடுக்கக் கோரி மாவட்ட கண்காணிப்பாளர் புகார் மனு அளித்து உள்ளோம்.

இவ்வாறு அவர் கூறினார்.

பேட்டியின்போது மாநில இளைஞரணி துணை செயலாளர் கருணாகரன், மாநில எம்.ஜி.ஆர். அணி வெங்களூர் வீரப்பன், மானாமதுரை தொகுதி சட்டமன்ற உறுப்பினர் நாகராஜன், மாவட்ட அவைத்தலைவர் நாகராஜ், மாவட்ட அம்மா பேரவை செயலாளர் அசோகன், மாவட்ட ஊராட்சி தலைவர் பொன்மணி பாஸ்கரன் மற்றும் பலர் உடனிருந்தனர்.

படவிளக்கம்

முதலமைச்சர் எடப்பாடி கே.பழனச்சாமியை அவமரியாதை பேசிய திமுக தலைவர் ஸ்டாலின் மீது நடவடிக்கை எடுக்க வலியுறுத்தி சிவகங்கை மாவட்ட கண்காணிப்பாளரிடம் புகார் மாவட்ட கழக செயலாளர் பி.ஆர்.செந்தில்நாதன் மற்றும் கழக நிர்வாகிகள் மனு கொடுத்தனர்.