தற்போதைய செய்திகள்

மகளிர் பூத் கமிட்டி ஆலோசனை கூட்டம்-அமைச்சர் சேவூர் எஸ்.இராமச்சந்திரன் பங்கேற்பு

திருவண்ணாமலை

ஆரணி தெற்கு ஒன்றியத்தில் நடைபெற்ற மகளிர் பூத் கமிட்டி ஆலோசனை கூட்டத்தில் அமைச்சர் சேவூர் எஸ்.இராமச்சந்திரன் பங்கேற்று பேசினார்.

திருவண்ணாமலை மாவட்டம் ஆரணி தெற்கு ஒன்றியம் அக்கூர், லாடப்பாடி ஆகிய கிராமங்களில் மகளிர் பூத் கமிட்டி ஆலோசனை கூட்டம் ஒன்றிய செயலாளர் ஜி.வி.கஜேந்திரன் தலைமையில் நடைபெற்றது.

இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் சிறப்பு விருந்தினராக பங்கேற்று ஆலோசனை வழங்கி பேசியதாவது:-

தமிழகத்தில் முதலமைச்சர் எடப்பாடியார் தலைமையில் நல்லாட்சி தொடர்ந்து நடைபெற மகளிர் பூத் கமிட்டியினருக்கு பெரும் பங்கு உண்டு. ஆகவேதான் இந்த தேர்தலில் புதியதாக மகளிர் பூத்கமிட்டி அமைக்கப்பட்டுள்ளது. இதில் உறுப்பினர்களாக உள்ள நீங்கள் தங்கள் பகுதி பிரச்சினைகள், சாலை வசதி, குடும்ப அட்டை, உதவித்தொகை, கால்வாய் பிரச்சினை, குடிதண்ணீர் பிரச்சினை உள்ளிட்ட மக்கள் நலன் சார்ந்த பிரச்சினைகள் எதுவானாலும் எனது தொலைபேசி எண்ணிற்கு தொடர்பு கொண்டு பேசுங்கள்.

எந்த பிரச்சினைகளாக இருந்தாலும் உங்கள் பகுதி ஒன்றிய செயலாளர், கிளை செயலாளர், கட்சி பிரமுகர்களை அனுப்பி உடனடியாக சரி செய்யப்படும்.

மகளிர் பூத் கமிட்டி பெண்கள் வீடு வீடாக சென்று பெண்களுக்கு கழக அரசின் சாதனகைளை விளக்கி கூறுங்கள். விவசாயிகளின் நலன் கருதி பயிர்கடன் தள்ளுபடி, அம்மா மினி கிளினிக் திட்டம் உள்ளிட்ட சாதனை திட்டங்களை கூறி இரட்டை இலைக்கு வாக்கு சேகரிக்க வேண்டும். அரசின் சாதனைகளை சொன்னாலே கழக வேட்பாளர்கள் வெற்றி பெறுவார்கள். அடுத்த ஆட்சியும் கழக ஆட்சிதான்.

இவ்வாறு அமைச்சர் சேவூர் எஸ்.இராமச்சந்திரன் பேசினார்.

இக்கூட்டத்தில் ஒன்றிய செயலாளர்கள் பி.ஆர்.ஜி.சேகர், ப.திருமால், நகர செயலாளர் எ.அசோக்குமார், மாவட்ட ஆவின் துணைத்தலைவர் பாரி பி.பாபு, மேற்கு ஆரணி ஒன்றியக்குழு தலைவர் பச்சையம்மாள் சீனிவாசன், முன்னாள் மாவட்ட துணை செயலாளர் டி.கருணாகரன், ஒன்றிய அவைத்தலைவர் வாசு, வழக்கறிஞர் வெங்கடேசன், ஐடி விங் சரவணன், மாணவரணி குமரன், ஒன்றியகுழு உறுப்பினர் கவிதாபாபு, பையூர் சதீஷ், சரவணன், இரும்பேடு வேலு, சுபான்ராவ்பேட்டை வேலன், மாமண்டூர் சுப்பிரமணி உள்பட பலர் கலந்து கொண்டனர்.