தற்போதைய செய்திகள்

தன்னிறைவு பெற்ற தொகுதியாக அம்பத்தூர் சட்டமன்ற தொகுதி விளங்குகிறது – வி.அலெக்சாண்டர் எம்.எல்.ஏ. பெருமிதம்

அம்பத்தூர்

தன்னிறைவு பெற்ற தொகுதியாக அம்பத்தூர் சட்டமன்ற தொகுதி விளங்குகிறது என்று வி.அலெக்சாண்டர் எம்.எல்.ஏ பெருமிதத்துடன் கூறினார்.

அம்பத்தூர் சட்டமன்ற தொகுதியில் 6.33 கோடி மதிப்பிலான உள் சாலைகள் தார்சாலை அமைக்கும் பணிகளை சட்டமன்ற உறுப்பினர் அலெக்சாண்டர் பூமிபூஜை செய்து துவக்கி வைத்தார்.சென்னை மாநகராட்சி அம்பத்தூர் மண்டலம் 7-க்கு உட்பட்ட அம்பத்தூர் சட்டமன்ற தொகுதியில் உள்ள பாடி புதுநகர் பகுதிகளை உள்ளடக்கிய 89,90,93 ஆகிய வார்டுகளில் நேற்று மொத்தம் 68 உள் சாலைகளுக்கான அரசு டெண்டர் முறையாக வைக்கப்பட்டு அம்பத்தூர் சட்டமன்ற உறுப்பினர் வி.அலெக்சாண்டர் பூமிபூஜை செய்து பணிகளை துவக்கி வைத்தார்.

பின்னர் வி.அலெக்சாண்டர் எம்.எல்.ஏ செய்தியாளர்களிடம் கூறியதாவது:-

முதல்வரின் சீரிய முயற்சியால் அம்பத்தூர் சட்டமன்ற தொகுதியில் மக்கள் பயன்படக்கூடிய வகையில் புதிய நீதிமன்ற வளாகம்,பதிவுத்துறை வளாகம்,உணவுப் பொருள் வழங்கல் அலுவலகம் என அனைத்து அரசு அலுவலகங்களும் ஒரே இடத்தில் கொண்டு வரப்பட்டுள்ளது, மேலும் தரமான தார் சாலைகள், எல்இடி விளக்குகள், வீடு தோறும் குடிநீர் இணைப்புகள், நடை பயிற்சியுடன் கூடிய பூங்காக்கள் என இன்று தன்னிறைவு பெற்ற தொகுதியாக அம்பத்தூர் சட்டமன்ற தொகுதி விளங்குகிறது.இவ்வாறு வி.அலெக்சாண்டர் எம்.எல்.ஏ. கூறினார்.

நிகழ்ச்சியில் பகுதி கழக செயலாளர் என்.அய்யனார், முகப்பேர் பாலன் எம்.டி.மைக்கேல்ராஜ், எஸ்.கிருஷ்ணன், லித்தோமோகன்,குப்பம்மாள் வேலாயுதம், ராஜாசிவபாலன்.எல்.ஜி.பிரகாஷ், விஸ்வநாதன், எல்.என்.சரவணன், மணிகண்டன், பாபு உட்பட பலர் கலந்து கொண்டனர்.