ராமநாதபுரம்

திருவாரூரில் தேர் இழுத்தாலும் ஸ்டாலின் முதல்வராக முடியாது

முன்னாள் அமைச்சர் டாக்டர் எம்.மணிகண்டன் தாக்கு

ராமநாதபுரம்

திருவாரூரில் தேர் இழுத்தாலும் ஸ்டாலின் முதல்வராக முடியாது என்று ன்னாள் அமைச்சர் டாக்டர் எம்.மணிகண்டன் கூறினார்.

ராமநாதபுரம் நகர் 10-வது வார்டில் புதிதாக பயணியர் நிழற்குடை அமைப்பதற்கான பணி தொடக்க விழா நடைபெற்றது. இந்நிகழ்ச்சியில் கழக மருத்துவரணி துணை செயலாளரும், முன்னாள் அமைச்சருமான டாக்டர் எம்.மணிகண்டன் எம்.எல்.ஏ கலந்து கொண்டு பணிகளை தொடங்கி வைத்தார்.

பின்னர் டாக்டர் எம்.மணிகண்டன் எம்.எல்.ஏ பேசியதாவது:-

வாழ்ந்தவர் கோடி மறைந்தவர் கோடி மக்கள் மனதில் நின்றவர் யார்.? என்ற வரிகளுக்கு வாசமூட்டும் வள்ளல் பெருமானார் புரட்சித்தலைவர் எம்.ஜி.ஆரும்., புரட்சித்தலைவி அம்மாவும் மக்கள் மனதில் நீங்கா இடம் பிடித்தவர்கள் ஆவார்கள். அதேபோல வாழும் போதே மக்கள் மனதில் நமது முதல்வரும் இடம் பிடித்துள்ளார். விவசாய கடனை ரத்து செய்து விவசாயிகளின் மனதில் நீங்கா இடம் பிடித்துள்ளார்.

மனுக்களை வாங்கி பெட்டிக்குள் போடும் ஸ்டாலின் காசியில் நீராடினாலும், திருவாரூரில் தேர் இழுத்தாலும் ஒருபோதும் முதல்வராக வர முடியாது. ஸ்டாலின் மனுக்கள் வாங்கி பெட்டியை பூட்டியது போல தி.மு.க.வுக்கு மக்களும் வருகிற சட்டமன்ற தேர்தலில் நிரந்தர பூட்டு போடுவார்கள். மக்களின் இதயங்களில் இடம் பிடித்த இரட்டைஇலை வெற்றிபெறும்.

இவ்வாறு ராடாக்டர் எம்.மணிகண்டன் எம்.எல்.ஏ பேசினார்.

இந்நிகழ்ச்சியில் முன்னாள் தொகுதி கழக இணைச்செயலாளர் தஞ்சி சுரேஷ்குமார், மாவட்ட பிரதிநிதி முத்துப்பாண்டியன், நகர மாணவரணி செயலாளர் காளிதாஸ், ஆர்.எஸ்.மடை ஊராட்சி மன்றத்தலைவர் முத்து முருகன், இளைஞர் பாசறை நிர்வாகி பாலசுப்பிரமணியன், நகர தகவல் தொழில்நுட்ப பிரிவு செயலாளர் ஆதில் அமீன் உட்பட கழக நிர்வாகிகள் கலந்து கொண்டனர்.j