வேலூர்

அரக்கோணம் கிழக்கு ஒன்றியத்தில் நிர்வாகிகளுக்கு கழக கொடிக்கம்பங்கள் வழங்கும் நிகழ்ச்சி – சு.ரவி எம்.எல்.ஏ. தொடங்கி வைத்தார்

வேலூர்

அரக்கோணம் கிழக்கு ஒன்றியத்தில் கழக நிர்வாகிகளுக்கு 1750 கழக கொடிக்கம்பங்கள் வழங்கும் நிகழ்ச்சியை சு.ரவி எம்.எல்.ஏ. தொடங்கி வைத்தார்.

அனைத்திந்திய அண்ணா திராவிட முன்னேற்றக் கழகத்தின் கொடி பட்டொளி வீசி பறக்க வேண்டும் என்ற நோக்கத்தில் முதற்கட்டமாக அரக்கோணம் கிழக்கு ஒன்றியத்திற்கு உட்பட்ட 124 கிளை கழகங்களிலும், கழக கொடியினை ஏற்றிட அதற்கான கொடி கம்பங்களை வழங்கும் நிகழ்ச்சி ஒன்றிய கழக செயலாளர் இ.பிரகாஷ் தலைமையில் நடைபெற்றது.

நிகழ்ச்சியில் ராணிப்பேட்டை மாவட்ட கழக செயலாளர் சு.ரவி எம்.எல்.ஏ. கலந்துகொண்டு கழக வளர்ச்சி சம்பந்தமாக ஆலோசனை வழங்கி கழக நிர்வாகிகளுக்கு 1750 கழக கொடிக்கம்பங்கள் வழங்கி நிகழ்ச்சியை துவக்கி வைத்தார். நிகழ்ச்சியில் ஒன்றிய கழகச் செயலாளர்கள் ஜி.பழனி, எஜி விஜயன், நகரக் கழகச் செயலாளர் கே.பி.பாண்டுரங்கன் உள்பட கழக நிர்வாகிகள் பலர் கலந்து கொண்டனர்.