கன்னியாகுமரி

தி.மு.க.வின் இருண்ட ஆட்சியை மக்கள் இன்னும் மறக்கவில்லை-தச்சை கணேச ராஜா பேச்சு

திருநெல்வேலி

தி.மு.க.வின் இருண்ட ஆட்சியை மக்கள் இன்னும் மறக்கவில்லை என்று திருநெல்வேலி மாவட்ட கழக செயலாளர் தச்சை கணேசராஜா கூறினார்.

திருநெல்வேலி மாவட்டம், அம்பாசமுத்திரத்தில் ஒன்றிய கழகம் சார்பில் தேர்தல் ஆலோசனை கூட்டம் முருகையா பாண்டியன் எம்.எல்.ஏ. தலைமையில் நடைபெற்றது. ஒன்றிய செயலாளர் துர்க்கை துரை வரவேற்று பேசினார். இக்கூட்டத்தில் நெல்லை மாவட்ட செயலாளர் தச்சை கணேசராஜா பேசியதாவது:-

முதலமைச்சர் எடப்பாடி கே.பழனிசாமியின் நிர்வாக திறமையால் அனைத்து துறைகளும் சிறப்பாக செயல்பட்டு வருகிறது. ஆனால் திமுக ஆட்சியில் 8 மணி நேரம் மின்சாரம் கிடைக்காமல் மக்கள் அவதிப்பட்டதை மறந்து ஸ்டாலின் இன்று ஊர் ஊராக பொய்யான வாக்குறுதிகளை அள்ளி வீசி தமிழகத்தில் மீண்டும் தி.மு.க ஆட்சி மலரும் என்று பேசி வருகிறார்.

தி.மு.க ஆட்சி ஒரு இருண்ட ஆட்சி என்பதை மக்கள் இன்னும் மறந்து விட வில்லை. கழக ஆட்சியை அனைத்து தரப்பு மக்களும் பாராட்டுகிறார்கள். ஏன் இந்தியாவில் உள்ள அனைத்து மாநில தலைவர்களும் பாராட்டுகிறார்கள்.

அம்பை தொகுதியில் முருகையா பாண்டியன் எம்.எல்.ஏ. ஏற்பாட்டில் தலா ரூ.2.10 லட்சம் மதிப்பீட்டில் 8 ஆயிரம் வீடுகள் கட்டபட்டுள்ளது. எனவே தொகுதி மக்கள் தமிழகத்தில் மீண்டும் கழக ஆட்சி அமைக்க முன் வர வேண்டும்.

வருகிற 24-ந்தேதி புரட்சித்தலைவி அம்மா அவர்களின் பிறந்தநாளை நிர்வாகிகள் ஏழை எளிய, மக்களுக்கு நலத்திட்ட உதவிகள் வழங்கி சிறப்பாக கொண்டாட வேண்டும். வரும் 18-ந் தேதி முதலமைச்சர் எடப்பாடி கே.பழனிசாமி அம்பை தொகுதிக்குட்பட்ட மேலச் செவலில் தேர்தல் பிரசாரத்துக்காக வருகிறார். அவரை வரவேற்க அனவைரும் அணி திரண்டு வர வேண்டும்.

இவ்வாறு மாவட்ட செயலாளர் தச்சை கணேசராஜா பேசினார்.