காஞ்சிபுரம்

ரூ.20 லட்சம் மதிப்பீட்டில் ஊராட்சிமன்ற அலுவலக கட்டடம் – மாவட்ட கழக செயலாளர் வி.சோமசுந்தரம், ஸ்ரீபெரும்புதூர் ஏம்.எல்.ஏ கே.பழனி அடிக்கல் நாட்டினர்

காஞ்சிபுரம்

காஞ்சிபுரம் மாவட்டம் குன்றத்தூர் ஒன்றியம் நந்தம்பாக்கத்தில் ரூ.20 லட்சம் மதிப்பீட்டில் கட்டப்படவுள்ள ஊராட்சிமன்ற அலுவலக கட்டடத்திற்கு காஞ்சிபுரம் மாவட்ட கழக செயலாளரும் முன்னாள் அமைச்சருமான வி.சோமசுந்தரம், ஸ்ரீபெரும்புதூர் சட்டமன்ற உறுப்பினர் மதனந்தபுரம் கே.பழனி ஆகியோர் அடிக்கல் நாட்டினர். அதனைத் தொடர்ந்து கொரோனா நிவாரண உதவிகள் மற்றும் பல்வேறு நிகழ்ச்சிகள் நடைபெற்றன.

காஞ்சிபுரம் மாவட்டம் குன்றத்தூர் ஒன்றியம் நந்தம்பாக்கத்தில் பொதுமக்களின் கோரிக்கையை ஏற்று ஊராட்சிமன்ற அலுவலகத்திற்கு புதிய கட்டிடம் கட்டுவதற்கு தமிழக அரசு ரூ.20 லட்சம் நிதி ஒதுக்கீடு செய்ததை தொடர்ந்து புதிய ஊராட்சி மன்ற அலுவலகம் கட்டுவதற்கான அடிக்கல் நாட்டு விழா நடைபெற்றது.

காஞ்சிபுரம் மாவட்ட கழக துணைச் செயலாளர் எஸ்.எம்.சுந்தர்ராஜன் முன்னிலையில் நடைபெற்ற இந்நிழ்ச்சியில் மாவட்ட கழகச் செயலாளர் வி.சோமசுந்தரம், ஸ்ரீபெரும்புதூர் சட்டமன்ற உறுப்பினர் மதனந்தபுரம் கே.பழனி ஆகியோர் கலந்து கொண்டு அடிக்கல்நாட்டி கட்டுமான பணிகளை தொடங்கி வைத்தனர்.

இதனைத்தொடர்ந்து நந்தம்பாக்கம் அழகேசன் நகர் பகுதியில் கொரோனா நிவாரண உதவியாக ஏழை எளிய குடும்பத்தினர் ஆயிரம் பேருக்கு அரிசி உட்பட அத்தியாவசிய பொருட்கள் மற்றும் ஊராட்சியில் பணிபுரிந்து வரும் தூய்மைப் பணியாளர்களுக்கு பாதுகாப்பு உபகரணங்களையும் மாவட்ட கழக செயலாளரும், முன்னாள் அமைச்சருமான வி.சோமசுந்தரம், ஸ்ரீபெரும்புதூர் சட்டமன்ற உறுப்பினர் மதனந்தபுரம் கே.பழனி ஆகியோர் வழங்கினர். அதனைத்தொடர்ந்து விளையாட்டு போட்டியில் வெற்றி பெற்றவர்களுக்கு பரிசுகள் வழங்கப்பட்டன.

இந்நிகழ்ச்சியில் மாவட்ட கழக அவைத் தலைவர் குண்ணவாக்கம் கிருஷ்ணமூர்த்தி, மாவட்ட சிறுபான்மை நலப்பிரிவு செயலாளர் டாக்டர் கே.பி. ஏசுபாதம், மாவட்ட மாணவரணி செயலாளர் ஏ.என்.இ.பூபதி, ஊராட்சி கழக செயலாளர் எஸ்.எம்.முத்துராமன், மாவட்ட பாசறை துணைத்தலைவர் திலக் குமார், மாங்காடு நகர இளைஞர் அணி செயலாளர் ராஜா மற்றும் பலர் கலந்து கொண்டனர்.