தற்போதைய செய்திகள்

அரசு மருத்துவக்கல்லூரியில், 34 படுக்கைகள் கொண்ட புற்றுநோய் சிகிச்சை பிரிவு – என்.தளவாய் சுந்தரம் திறந்து வைத்தார்

கன்னியாகுமரி

கன்னியாகுமரி மாவட்டம், நாகர்கோவில், ஆசாரிப்பள்ளம் அரசு மருத்துவக்கல்லூரி, மருத்துவமனையில் 20 ஆண்களும், 14 பெண்களும் தங்கி, சிகிச்சை பெறும் புற்றுநோய் சிகிச்சை பிரிவு ஏற்படுத்தப்பட்டுள்ளது. ஆண்கள், பெண்களுக்கு தனித்தனியே ஏற்படுத்தப்பட்டுள்ள புற்றுநோய் சிகிச்சை பிரிவினை, தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம், மாவட்ட ஆட்சித்தலைவர் பிரசாந்த் மு.வடநேரே தலைமையில் திறந்து வைத்தார்.

முதலமைச்சர் ஆணைக்கிணங்க, தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம், மாவட்ட ஆட்சித்தலைவர் பிரசாந்த் மு.வடநேரே தலைமையில், ஆசாரிப்பள்ளம் அரசு மருத்துவக்கல்லூரி, மருத்துவமனை செயல்பாடுகள் குறித்த ஆலோசனைக்கூட்டம் நடைபெற்றது. இக்கூட்டத்திற்கு ஆசாரிப்பள்ளம் மருத்துவ கல்லூரி முதல்வர் மரு.சுகந்தி ராஜகுமாரி, கண்காணிப்பாளர் மரு.அருள்பிரகாஷ், உறைவிட மருத்துவர் மரு.ஆறுமுகவேலன் ஆகியோர் முன்னிலை வகித்தனர்.

நடைபெற்ற ஆலோசனைக்கூட்டத்தில், கொரோனா நோயாளிகளுக்கு வழங்கப்பட்டுவரும் சிகிச்சைகள், பரிசோதனைகள் நடைபெறுவது குறித்து தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் கேட்டறிந்தார். மேலும், நோயாளிகளுக்கு தேவையான அத்தியாவசிய மருந்துகள் இருப்பில் வைத்து கொள்ள வேண்டுமெனவும், கொரோனா தடுப்பு பணிகளில் ஈடுப்பட்டுள்ள மருத்துவ அலுவலர்கள், மருத்துவர்கள், செவிலியர்கள், தூய்மை பணியாளர்கள் உள்ளிட்ட அனைவருக்கும், முககவசங்கள், கைகழுவும் திரவம் இவை அனைத்தும் தடையின்றி வழங்க வேண்டுமெனவும், மருத்துவ கல்லூரி முதல்வர் மற்றும் கண்காணிப்பாளர்களிடம், தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் அறிவுறுத்தினார்.

புரட்சித்தலைவி அம்மா அவர்களின் வழியில் செயல்படும், முதலமைச்சர் கொரோனா சிகிச்சைக்காக தேவையான நிதியினை ஒதுக்கீடு செய்துள்ளார்கள். கொரோனா நோயை முற்றிலுமாக ஒழிக்க தேவையான அனைத்து நடவடிக்கைகளையும் தமிழக அரசு மேற்கொண்டுவருகிறது. கொரோனா தடுப்பு பணிகளில் ஈடுபட்டுள்ள மருத்துவத்துறை சார்ந்த அனைத்து பணியாளர்களின் செயல்பாடுகள் அனைத்தும் மிகவும் பாராட்டுக்குரியதாகும்.

இவ்வாறு தமிழ்நாடு அரசின் டெல்லி சிறப்புப் பிரதிநிதி என்.தளவாய் சுந்தரம் தெரிவித்தார்.

நிகழ்ச்சியில், மாவட்ட ஆவின் பெருந்தலைவர் எஸ்.ஏ.அசோகன், அரசு ரப்பர் வளர்ப்போர் கூட்டுறவு விற்பனை சங்கத்தலைவர் டி.ஜாண்தங்கம், தமிழ்நாடு மாநில சிறுபான்மையினர் நல ஆணைய உறுப்பினர் அ.ராஜன், முன்னாள் எம்.எல்.ஏ., அறங்காவலர் குழு உறுப்பினர் எம்.ஜெயசந்திரன் (எ) சந்துரு மற்றும் பலர் கலந்து கொண்டார்கள்.