தமிழகம்

ரூ.51.85 கோடியில் புதிய கழிவுநீர் சுத்திகரிப்பு நிலையம் கட்ட அரசு பரிசீலனை – முதலமைச்சர் எடப்பாடி கே.பழனிசாமி தகவல்

சென்னை

பழனி கோயில் மற்றும் நகரத்தை சுற்றியுள்ள மாசுபட்ட நீரை சுத்திகரிக்க ரூ 51.85 கோடியில் புதிய கழிவுநீர் சுத்திகரிப்பு நிலையம் கட்ட அரசு பரிசீலனை செய்துவருகிறது என்று முதலமைச்சர் எடப்பாடி கே.பழனிசாமி தெரிவித்தார்.

முதலமைச்சர் எடப்பாடி கே.பழனிசாமி தலைமையில் திண்டுக்கல் மாவட்ட ஆட்சித் தலைவர் அலுவலகத்தில் நடைபெற்ற மாவட்ட வளர்ச்சி திட்டப் பணிகள் மற்றும் கொரோனா நோய் தடுப்புப் பணிகள் குறித்த கலந்தாய்வுக் கூட்டத்திற்குப் பிறகு செய்தியாளர்களுக்கு அளித்த பேட்டி.

குடிமராமத்துத் திட்டத்தின் மூலம் 55 கோடி ரூபாய் மதிப்பீட்டில் 11 பணிகள் இம்மாதம் முடியும் தருவாயில் உள்ளன. இந்த மாவட்டத்தில் பல தடுப்பணைகள் கட்டியிருக்கிறோம். தொப்பசாமி ஆற்றின் குறுக்கே சுமார் 6 கோடி ரூபாய் செலவில் தடுப்பணை கட்டும் பணி நடைபெற்று வருகிறது. பெரியார் பிரதான கால்வாயின் ரெகுலேட்டர் புதுப்பிக்கும் பணி சுமார் 4 கோடி ரூபாய் மதிப்பீட்டில் மேற்கொள்ளப்பட்டுள்ளது.

திருமணிமுத்தாறு காட்டுபெரியகுளம் அணையின் மறுகட்டுமானப் பணி சுமார் 3.50 கோடி ரூபாய் மதிப்பீட்டில் மேற்கொள்ளப்பட்டுள்ளது. விராலிபட்டி குக்கிராமம் கசிவு நீர் குட்டை சுமார் 3 கோடி ரூபாய் மதிப்பீட்டில் பணி துவங்கப்படவுள்ளது. பாலாற்றுக் குளம் அணைக்கட்டு மறுகட்டுமானம்

சுமார் 2.20 கோடி ரூபாய் மதிப்பீட்டிலும், மருதா நதி அணை ஷட்டர் ரெகுலேட்டர் பாசன மடைகள் புதுப்பித்தல் சுமார் 2 கோடி ரூபாயில் மேற்கொள்ளப்படவுள்ளது. நங்காஞ்சி ஆற்றின் குறுக்கே சுமார் 1.50 கோடி ரூபாய் மதிப்பீட்டில் தடுப்பணை கட்டும் பணி துவங்கப்படவுள்ளது. மஞ்சளாற்றின் குறுக்கே இரு இடங்களில் சுமார்

4.6 கோடி ரூபாய் மதிப்பீட்டில் தடுப்பணை பணிகள் மேற்கொள்ளப்படும். மருதா நதி வெள்ளநீரை சித்திரப்பட்டி கருங்குளத்திற்கு கொண்டு செல்ல 60 கோடி ரூபாய் மதிப்பீட்டில் திட்ட மதிப்பீடு தயாரிக்கும் பணி நடைபெறுகிறது. பழனி திருக்கோயில் மற்றும் நகரத்தை சுற்றியுள்ள மாசுபட்ட நீரை சுத்திகரிக்க 51.85 கோடி ரூபாய் மதிப்பீட்டில் புதிய கழிவுநீர் சுத்திகரிப்பு நிலையம் கட்ட அரசின் பரிசீலனையில் இருக்கின்றது. வத்தலக்குண்டு-பெரியகுளம் கண்மாய் அணைக்கட்டு 7.50 கோடி ரூபாய் செலவில் புனரமைக்க பரிசீலனையில் உள்ளது.

குன்னூராயன்பேட்டை அணைக்கட்டை 15.60 கோடி ரூபாய் செலவில் புனரமைக்க அரசின் பரிசீலனையில் இருக்கின்றது. மாயாண்டிகுளத்திற்கு நீர் வழங்க மாங்கரை ஆற்றின் குறுக்கே சுமார் 8 கோடி ரூபாய் மதிப்பீட்டில் புதிய அணைக்கட்டு அமைக்க அரசின் பரிசீலனையில் உள்ளது. சண்முகா நதியின் குறுக்கே பெரிச்சிப்பாளையத்தில் சுமார் 6.70 கோடி ரூபாய் செலவில் தடுப்பணை கட்ட அரசின் பரிசீலனையில் உள்ளது.

கொத்தயம் கிராமம் அருகே நல்லதங்காள் ஓடையின் குறுக்கே 17.40 கோடி ரூபாய் மதிப்பீட்டில் புதிய குளம் கட்டி முடிக்கப்பட்டுள்ளது. சித்தர்கள்நத்தம் கிராமத்தில் வைகை ஆற்றின் குறுக்கே 12.30 கோடி ரூபாய் செலவில் தடுப்பணை கட்டி முடிக்கப்பட்டுள்ளது. அம்மாவின் அரசு, நீர் மேலாண்மைத் திட்டத்தின் மூலம் பருவகாலங்களில் பெய்கின்ற மழைநீர் முழுவதையும் சேமித்து வைப்பதற்காக தடுப்பணைகளை மாவட்டத்தில் கட்ட உள்ளோம்.

இவ்வாறு தலமைச்சர் எடப்பாடி கே.பழனிசாமி தெரிவித்தார்.