தற்போதைய செய்திகள்

தருமபுரி மாவட்டத்தில் ரூ.320 கோடியில் 3 நீர்ப்பாசன திட்டங்களுக்கு அடிக்கல்

முதலமைச்சர் எடப்பாடி கே.பழனிசாமிக்கு அமைச்சர் கே.பி.அன்பழகன் நன்றி

தருமபுரி

தருமபுரி மாவட்டத்தில் ரூ.320 கோடியில் 3 நீர்ப்பாசன திட்டங்களுக்கு அடிக்கல் நாட்டியதற்காக முதலமைச்சர் எடப்பாடி கே.பழனிசாமிக்கு அமைச்சர் கே.பி.அன்பழகன் நன்றி தெரிவித்துள்ளார்.

தருமபுரியில் நேற்று உயர்கல்வி மற்றும் வேளாண்மைத்துறை அமைச்சர் கே.பி.அன்பழகன் செய்தியாளர்களுக்கு பேட்டி அளித்தார். அப்போது அவர் கூறியதாவது:-

விவசாயத்தை பெரிதும் நம்பியுள்ள தருமபுரி மாவட்டத்தில் விவசாயம் மற்றும் தோட்டக்கலை பட்டய படிப்பு கல்லூரி நடப்பாண்டு முதல் செயல்படுத்தப்படும் என்று முதலமைச்சர் அறிவித்துள்ளார். இக்கல்லூரி தொடங்குவதன் மூலம் தருமபுரி மாவட்டத்தில் உள்ள விவசாயிகள் மற்றும் மாணவர்கள் மிகவும் பயன் பெறுவார்கள். ஏற்கனவே தருமபுரி மாவட்டத்தில் பொறியியல் கல்லூரி, சட்டக்கல்லூரி, பல்வகை தொழில்நுட்ப கல்லூரிகள் மற்றும் கலை அறிவியல் கல்லூரிகள் புதிதாக தோற்றுவிக்கப்பட்டுள்ளது.

இக் கல்லூரிகளில் தருமபுரி மாவட்டத்தை சேர்ந்த மாணவர்கள் முழுமையாக பயன்படுத்திக் கொண்டு நல்ல முறையில் கல்வி பயின்று வருகின்றனர். இதேபோல் தற்போது தொடங்கப்பட உள்ள விவசாய மற்றும் தோட்டக்கலை பட்டய படிப்பு கல்லூரியிலும் உள்ள அனைத்து பாடப் பிரிவுகளிலும் மாணவர்கள் ஆர்வத்துடன் சேர்ந்து கல்வி பயில்வார்கள். தருமபுரி மாவட்டத்திற்கு புதிதாக வேளாண் மற்றும் தோட்டக்கலை பட்டய படிப்பு கல்லூரியை வழங்கிய முதலமைச்சருக்கு தருமபுரி மாவட்ட மக்கள் சார்பில் மனமார்ந்த நன்றியை தெரிவித்துக் கொள்கிறேன்.

தருமபுரியில் சிப்காட் முதற்கட்டம், சிப்காட் இரண்டாம் கட்டம் என நிறைவேற்ற அரசு முடிவு செய்துள்ளது. தற்போது சிப்காட் முதற்கட்டமாக 1000 ஏக்கர் அரசு நிலத்தில் அமைக்க முடிவு செய்யப்பட்டு முதலமைச்சர் அடிக்கல் நாட்டியுள்ளார்.
பொதுமக்களின் நீண்ட நாள் கோரிக்கையை ஏற்று, கிருஷ்ணகிரி அணையின் வலதுப்புற கால்வாய் நீட்டிப்பு திட்டத்தின் மூலம் திண்டல் ஏரி இணைப்பு திட்டம் ஏற்கெனவே அரசு நிறைவேற்றியுள்ளது. இத்திட்டத்தின் மூலம் கிருஷ்ணகிரி தருமபுரி மாவட்டங்களை சேர்ந்த 60க்கும் மேற்பட்ட ஏரிகள், குளங்கள், குட்டைகளுக்கு தணீர் கொண்டு வரப்பட்டுள்ளது.

மேலும் மூன்று நீர்பாசன திட்டங்களை நிறைவேற்றிக்கொடுக்க வேண்டும் என்று முதலமைச்சரின் பார்வைக்கு கொண்டு செல்லப்பட்டது. ஜர்த்தலாவ் கால்வாய் 500 மீட்டரிலிருந்து புலிக்கரை ஏரிக்கு தண்ணீர் கொண்டு வரும் திட்டம் செயல்படுத்த 29 கோடி ரூபாய் ஒதுக்கீடு செய்யப்பட்டுள்ளது. இப் பணிகள் நிறைவேற்ற டெண்டர் விடப்பட்டு தற்போது முதலமைச்சர் அடிக்கல் நாட்டியுள்ளார்.

ஜெர்த்தலாவ் மற்றும் புலிக்கரை ஏரி இணைப்பு திட்டத்திற்கு இடையில் 11 ஏரிகள் பாசன வசதிபெறும். அணையாளம் அணைக்கட்டிலிருந்து தூள்செட்டி ஏரிக்கு தண்ணீர் கொண்டு வரும் திட்டம், 5000 ஏக்கர் விவசாய நிலங்கள் பயன்பெறும் வகையில் எண்ணேகோல்புதூரிலிருந்து தும்பலஅள்ளி அணைக்கு தண்ணீர் கொண்டுவரும் திட்டங்களுக்கும் டெண்டர் விடப்பட்டு தற்போது அடிக்கல் நாட்டப்பட்டுள்ளது. ஒட்டுமொத்தமாக இந்த மூன்ற நீர்பாசன திட்டங்களுக்கும் சேர்த்து ரூ.320 கோடியை தமிழக அரசு ஒதுக்கியுள்ளது.

இத்திட்டங்களை நிறைவேற்ற தேவையான நிலங்களை கையகப்படுத்துவதற்கும் தனியாக நிதி ஒதுக்கப்பட்டுள்ளது. கடந்த காலங்களில் தருமபுரியில் சிப்காட் தொழிற்பேட்டை அமைக்க ஒட்டுமொத்தமாக 1783 ஏக்கர் நிலம் ஒதுக்கப்பட்டது.

இதில் 1233 ஏக்கர் அரசு நிலம். 550 ஏக்கர் தனியாருக்கு சொந்தமான நிலம். இந்த தனியாருக்கு சொந்தமான நிலத்தை கையகப்படுத்த கால தாமதம் ஏற்படுவதை கருத்தில் கொண்டு, தருமபுரியில் சிப்காட் முதற்கட்டம், சிப்காட் இரண்டாம் கட்டம் என நிறைவேற்ற அரசு முடிவு செய்துள்ளது. தற்போது சிப்காட் முதற்கட்டமாக 1000 ஏக்கர் அரசு நிலத்தில் அமைக்க முடிவு செய்யப்பட்டு முதலமைச்சர் அடிக்கல் நாட்டியுள்ளார்.

பொதுமக்களின் நீண்டநாள் கோரிக்கையை ஏற்று, கிருஷ்ணகிரி அணையின் வலதுப்புற கால்வாய் நீட்டிப்பு திட்டத்தின் மூலம் திண்டல் ஏரி இணைப்பு திட்டம் ஏற்கெனவே அரசு நிறைவேற்றியுள்ளது. இத்திட்டத்தின் மூலம் கிருஷ்ணகிரி தருமபுரி மாவட்டங்களை சேர்ந்த 60-க்கும் மேற்பட்ட ஏரிகள், குளங்கள், குட்டைகளுக்கு தண்ணீர் கொண்டு வரப்பட்டுள்ளது. மேலும் மூன்று நீர்பாசன திட்டங்களை நிறைவேற்றி கொடுக்க வேண்டும் என்று முதலமைச்சரின் பார்வைக்கு கொண்டு செல்லப்பட்டது.

ஜர்த்தலாவ் கால்வாய் 500 மீட்டரிலிருந்து புலிக்கரை ஏரிக்கு தண்ணீர் கொண்டு வரும் திட்டம் செயல்படுத்த 29 கோடி ரூபாய் ஒதுக்கீடு செய்யப்பட்டுள்ளது. இப் பணிகள் நிறைவேற்ற டெண்டர் விடப்பட்டு தற்போது முதலமைச்சர் அடிக்கல் நாட்டியுள்ளார். ஜெர்த்தலாவ் மற்றும் புலிக்கரை ஏரி இணைப்பு திட்டத்திற்கு இடையில் 11 ஏரிகள் பாசன வசதிபெறும்.

அணையாளம் அணைக்கட்டிலிருந்து தூள்செட்டி ஏரிக்கு தண்ணீர் கொண்டு வரும் திட்டம் , 5000 ஏக்கர் விவசாய நிலங்கள் பயன்பெறும் வகையில் எண்ணேகோல்புதூரிலிருந்து தும்பலஅள்ளி அணைக்கு தண்ணீர் கொண்டுவரும் திட்டங்களுக்கும் டெண்டர் விடப்பட்டு தற்போது அடிக்கல் நாட்டப்பட்டுள்ளது.

ஒட்டுமொத்தமாக இந்த மூன்ற நீர்பாசன திட்டங்களுக்கும் சேர்த்து ரூ.320 கோடியை தமிழக அரசு ஒதுக்கியுள்ளது. இத்திட்டங்களை நிறைவேற்ற தேவையான நிலங்களை கையகப்படுத்துவதற்கும் தனியாக நிதி ஒதுக்கப்பட்டுள்ளது.

இவ்வாறு அமைச்சர் கே.பி.அன்பழகன் கூறினார்.