தமிழகம்

பலத்த காற்றினால் பாதிக்கப்பட்ட மக்களுக்கு தனது சொந்த நிதியிலிருந்து நிவாரணம் – துணை முதலமைச்சர் வழங்கினார்

தேனி

தேனி மாவட்டம், சின்னமனூர் ஊராட்சி ஒன்றியப்பகுதியில் பலத்த காற்றினால் பாதிக்கப்பட்ட பகுதிகளை துணை முதலமைச்சர் ஓ.பன்னீர்செல்வம் பார்வையிட்டு, பாதிக்கப்பட்ட மக்களுக்கு தனது சொந்த நிதியிலிருந்து நிவாரணங்களை வழங்கி ஆறுதல் கூறினார்.

துணை முதலமைச்சர் ஓ.பன்னீர்செல்வம், தேனி மாவட்டம் சின்னமனூர் ஊராட்சி ஒன்றியத்திற்குட்பட்ட பொட்டிபுரம், ராமகிருஷ்ணாபுரம், டி.புதுக்கோட்டை, முத்தையன் செட்டிபட்டி, வெம்பக்கோட்டை ஆகிய பகுதிகளில் 07.08.2020 அன்று பலத்த காற்றினால் பாதிக்கப்பட்ட பகுதிகளை பார்வையிட்டு ஆய்வு மேற்கொண்டு, பாதிக்கப்பட்ட மக்களுக்கு நிவாரணங்களை வழங்கினார்.

தமிழகத்தில் பருவ மழை தொடங்கியுள்ளதால், பல்வேறு பகுதிகளில் காற்றுடன் கூடிய மழை பெய்து வருகிறது. அதன்படி, தேனி மாவட்டத்தில் கடந்த சில தினங்களாக பலத்த காற்றுடன் சில பகுதிகளில் மழை பெய்து வருகின்றது. சில பகுதிகளில் பலத்த காற்றினால் வீடுகள் மற்றும் விவசாய நிலங்கள் பாதிப்புகுள்ளாகி உள்ளன.

அதில், பொட்டிபுரம் பகுதியில் 3 வீடுகளும், ராமகிருஷ்ணாபுரம் பகுதியில் 2 வீடுகளும் சேதம் அடைந்துள்ளன. டி.புதுக்கோட்டை பகுதியில் ஒரு கன்றுக் குட்டி இறந்துள்ளது. முத்தையன் செட்டிபட்டி அரசு கள்ளர் மேல்நிலைப்பள்ளியின் சுற்றுச்சுவர் ஒரு பகுதி இடிந்துள்ளது. வெம்பக்கோட்டை பகுதியில் ஒரு வீடும் சேசதமடைந்துள்ளது. மேலும், சில விவசாயிகள் பயிரிட்ட வாழை பயிர்களும் பலத்த காற்றினால் சேதம் அடைந்துள்ளது.

மேற்கண்ட பாதிக்கப்பட்டுள்ள பகுதிகளில், துணை முதலமைச்சர் நேரில் சென்று ஆய்வு மேற்கொண்டு, பாதிக்கப்பட்ட மக்களுக்கு ஆறுதல் கூறி, தனது சொந்த நிதியிலிருந்து நிவாரணங்களை வழங்கினார். மேலும், பாதிக்கப்பட்ட மக்களுக்கு அரசு சார்பிலும் நிவாரணங்கள் வழங்கிட நடவடிக்கைள் மேற்கொள்ளப்படும் எனவும் அப்பகுதி மக்களிடம் தெரிவித்தார்.

இந்;த நிகழ்வின் போது, தேனி நாடாளுமன்ற உறுப்பினர் ப.ரவீந்திரநாத்குமார், கம்பம் சட்டமன்ற உறுப்பினர் எஸ்.டி.கே.ஜக்கையன், உத்தமபாளையம் வருவாய் கோட்டாட்சியர் (பொ) இ.கார்த்திகாயினி, உத்தமபாளையம் வட்டாட்சியர் உதயராணி, முன்னாள் பாராளுமன்ற உறுப்பினர் எஸ்.பி.எம்.சையதுகான் உட்பட பலர் கலந்து கொண்டனர்.