தற்போதைய செய்திகள்

அமைச்சர் சேவூர் எஸ்.இராமச்சந்திரன் முன்னிலையில் பேரறிஞர் அண்ணாவின் சிலைக்கு அக்ரி எஸ்.எஸ்.கிருஷ்ணமூர்த்தி மரியாதை

திருவண்ணாமலை

திருவண்ணாமலை தெற்கு மாவட்ட கழக செயலாளராக முன்னாள் அமைச்சர் அக்ரி எஸ்.எஸ்.கிருஷ்ணமூர்த்தியை நியமனம் செய்ததையொட்டி அண்ணா சிலைக்கு கழக நிர்வாகிகளுடன் சென்று மாலை அணிவித்து மரியாதை செலுத்தினர்.

முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் திருவண்ணாமலை தெற்கு மாவட்ட கழக செயலாளராக முன்னாள் அமைச்சரும், திருவண்ணாமலை மாவட்ட ஆவின் தலைவருமான அக்ரி எஸ்.எஸ்.கிருஷ்ணமூர்த்தியை நியமனம் செய்தனர். இதனையடுத்து அக்ரி எஸ்.எஸ்.கிருஷ்ணமூர்த்திக்கு கழக நிர்வாகிகள் சால்வை அணிவித்து வாழ்த்து தெரிவித்தனர்.

இதனை தொடர்ந்து திருவண்ணாமலை அண்ணா நுழைவுவாயில் அருகில் இருந்து கழக நிர்வாகிகளுடன் சென்று பேரறிஞர் அண்ணாவின் சிலைக்கு இந்து சமய அறநிலையத்துறை அமைச்சர் சேவூர் எஸ்.இராமச்சந்திரன், தகவல் தொழில்நுட்ப பிரிவு வேலூர் மண்டல செயலாளர் கோவை சத்தியன், முன்னாள் அமைச்சர் ராமச்சந்திரன் ஆகியோர் முன்னிலையில் முன்னாள் அமைச்சரும், மாவட்ட ஆவின் தலைவரும், திருவண்ணாமலை தெற்கு மாவட்ட கழக செயலாளருமான அக்ரி எஸ்.எஸ்.கிருஷ்ணமூர்த்தி மாலை அணிவித்து மரியாதை செலுத்தினார். இதையடுத்து அருகில் அலங்கரித்து வைக்கப்பட்டிருந்த புரட்சித்தலைவர் எம்.ஜி.ஆர்., புரட்சித்தலைவி அம்மா படங்களுக்கு மலர் தூவி மரியாதை செலுத்தினார்.