தற்போதைய செய்திகள்

வார்டு தோறும் கழக கொடியேற்றி ஏழைகளுக்கு நலத்திட்ட உதவி

மதுரை மாநகர் மாவட்ட கழகம் முடிவு

மதுரை

அம்மா அவர்களின் 73-வது பிறந்தநாள் விழாவை முன்னிட்டு அனைத்து வார்டுகளிலும் கழக கொடியேற்றி ஏழைகளுக்கு நலத்திட்ட உதவிகளை வழங்குவது என்று அமைச்சர் செல்லூர் கே.ராஜூ தலைமையில் நடைபெற்ற மதுரை மாநகர் மாவட்ட கழக ஆலோசனை கூட்டத்தில் தீர்மானம் நிறைவேற்றப்பட்டது.

புரட்சித்தலைவி அம்மா அவர்களின் 73-வது பிறந்தநாள் விழாவை கொண்டாடுவது குறித்து மதுரை மாநகர் மாவட்ட கழக ஆலோசனைக்கூட்டம் நடைபெற்றது. இக்கூட்டத்திற்கு தங்கம் தலைமை தாங்கினார். இதில் மாநகர் மாவட்ட கழக செயலாளரும், கூட்டுறவுத்துறை அமைச்சருமான செல்லூர் கே.ராஜூ ஆலோசனை வழங்கினார்.

இக்கூட்டத்தில் நிறைவேற்றப்பட்ட தீர்மானங்கள் வருமாறு:-

மக்களால் நான் மக்களுக்காக நான் என்று வாழ்ந்து மறைந்த இதயதெய்வம் புரட்சித்தலைவி அம்மா அவர்களின் 73-வது பிறந்தநாளை முன்னிட்டு மதுரை மாநகர் மாவட்ட கழகத்தின் சார்பில் மதுரையில் உள்ள புரட்சித்தலைவி அம்மா அவர்களின் திருவுருவச்சிலைக்கு மாலை அணிவித்து அன்னதானம் மற்றும் இனிப்புகள் வழங்குவது,

அனைத்து வார்டுகளிலும் கழக கொடி ஏற்றி , அம்மா அவர்களின் படத்தை அலங்கரித்தும், அம்மா அவர்களின் புகழ் பாடும் பாடல்களை ஒலிக்க செய்தும், இளைஞர்கள், பெண்கள், குழந்தைகளுக்கு விளையாட்டு போட்டிகள் நடத்தி பரிசு வழங்கியும், ஏழைகளுக்கு நலத்திட்ட உதவி வழங்கியும் சிறப்பாக கொண்டாடுவது,

அம்மாவின் வழியில் விவசாயிகளின் ரூ.12,110 கோடி பயிர்க்கடனை தள்ளுபடி செய்து 16 லட்சத்து 43 ஆயிரத்து 337 விவசாயிகளின் துடைத்த விவசாயிகளின் தோழன் முதலமைச்சர் எடப்பாடியாருக்கும், துணை முதலமைச்சர் ஓ.பன்னீர்செல்வத்துக்கும் மதுரை மாநகர் மாவட்ட கழகத்தின் சார்பாக கோடான கோடி நன்றியினை தெரிவித்துக் கொள்கிறோம். தமிழகத்தில் திமுக ஆட்சியில் இருந்த போதும், மத்தியிலேயே கூட்டணி ஆட்சியில் அங்கம் வகிக்கும் போது , தன் குடும்பத்தை மட்டுமே வளப்படுத்திக்கொண்டு,

தமிழகத்திற்கும், தமிழக மக்களுக்கும் துரோகத்தை மட்டுமே செய்த திமுக தற்போது கழக அரசின் மக்கள் போற்றும் சாதனைகளை குறை சொல்லியும், ஊடகங்கள் மூலம் பொய் பிரச்சாரம் செய்தும், தேர்தல் நேரத்தில் மட்டும் மக்களை சந்தித்து கவர்ச்சிகரமான பொய்யான தேர்தல் வாக்குறுதிகளை கொடுத்து மக்களை ஏமாற்றி ஆட்சிக்கு வரத் துடிக்கும் திமுக தலைவர் மு.க.ஸ்டாலினை இக்கூட்டம் வன்மையாக கண்டிக்கிறது.

புரட்சித்தலைவர் சுட்டிகாட்டிய தீயசக்தி திமுகவை ஒழிக்கவும், இதயதெய்வம் புரட்சித்தலைவி அம்மா அவர்கள் கூறிய எனக்கும் பின்பும் இன்னும் 100 ஆண்டுகள் ஆனாலும் கழகமே தமிழகத்தை ஆளும் என்பதற்கேற்ப சட்டமன்ற பொதுத் தேர்தலில் வெற்றிபெற்று கழக ஆட்சி தொடர கழக செயல்வீரர்கள் அனைவரும் ஒற்றுமையாக செயல்பட்டு அயராது உழைத்து வரலாற்றும் சாதனை படைப்போம் என உறுதி ஏற்போம்.

இவ்வாறு தீர்மானங்கள் நிறைவேற்றப்பட்டன.