தமிழகம்

ரஷ்யாவில் ஆற்றில் மூழ்கி உயிரிழந்த தமிழக மருத்துவ மாணவர்களின் குடும்பத்துக்கு துணை முதலமைச்சர் இரங்கல்

சென்னை

ரஷ்யாவில் ஆற்றில் மூழ்கி உயிரிழந்த தமிழக மருத்துவ மாணவர்களின் குடும்பத்துக்கு துணை முதலமைச்சர் இரங்கல் தெரிவித்துள்ளார்.

இது குறித்து துணை முதலமைச்சர் ஒ.பன்னீர்செல்வம் தனது டிவிட்டர் பதிவில் தெரிவித்திருப்பதாவது:-

ரஷ்ய நாட்டின் வால்கோகிராட் ஸ்டேட் மருத்துவ பல்கலையில் மருத்துவம் பயின்று வந்த தமிழகத்தை சேர்ந்த 4 மாணவர்கள் 8.8.2020 அன்று வோல்கா ஆற்றில் எதிர்பாரா விதமாக சுழற்சியில் சிக்கி உயிரிழந்தனர் என்ற செய்தியை அறிந்து மிகுந்த அதிர்ச்சியும் வேதனையும் அடைந்தேன்.

இத்துயரச் சம்பவத்தில் உயிரிழந்த மருத்துவ மாணவர்களின் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன்.

இந்த கொரோனா சூழ்நிலையில், இளைஞர்களும், மாணவர்களும் வெளியில் செல்கையில் பாதுகாப்பாகவும், மிகுந்த பொறுப்புணர்வுடனும் செயல்பட வேண்டுமென அன்புடன் கேட்டுக் கொள்கிறேன்.இவ்வாறு துணை முதலமைச்சர் ஒ.பன்னீர்செல்வம் இரங்கல் தெரிவித்துள்ளார்.