தற்போதைய செய்திகள்

ராஜபாளையம்- ஆலங்குளம் உள்பட 6 இடங்களில் புதிய ஆவின் பாலகம்

அமைச்சர் கே.டி.ராஜேந்திரபாலாஜி திறந்து வைத்தார்

ராஜபாளையம்:-

ராஜபாளையம், ஆலங்குளம் உள்பட 6 இடங்களில் புதிய ஆவின் பாலகங்களை தமிழக பால்வளத்துறை அமைச்சர் கே.டி.ராஜேந்திரபாலாஜி திறந்து வைத்தார்.

தமிழக அரசின் ஆவின் பொருட்கள், ஆவின் பால் பொதுமக்களுக்கு அனைவருக்கும் கிடைக்கும் வகையில் தமிழகத்தின் பல்வேறு இடங்களில் ஆவின் பூங்கா மற்றும் ஆவின் பாலகங்களை அமைச்சர் கே.டி.ராஜேந்திரபாலாஜி திறந்து வைத்து வருகிறார்.

கடந்த சில தினங்களுக்கு முன்பு. சிவகாசி, திருத்தங்கல், சிவகாசி சுற்றுப்புற கிராமங்கள் என 19 இடங்களில் ஆவின் பாலகங்கள் அமைச்சர் திறந்து வைத்தார்.

இந்நிலையில் ராஜபாளையம் அருகே சேத்தூர் மாரியம்மன் கோயில் முன்பு, சேத்தூர் பஸ் ஸ்டாண்டு, தளவாய்புரம், ஆசிலாபுரம், சத்திரபட்டி, ஆலங்குளம் உட்பட 6 இடங்களில் புதிய ஆவின் பாலகங்களை அமைச்சர் கே.டி.ராஜேந்திரபாலாஜி திறந்து வைத்தார்.

ஆலங்குளத்தில் நடைபெற்ற ஆவின் பாலகம் திறப்பு விழாவில் 1500 பள்ளி மாணவ மாணவிகளுக்கு இலவச நோட்டு மற்றும் எழுது பொருட்களும் 2500 ஏழை, எளிய மக்களுக்கு இலவச வேஷ்டி சேலைகளை அமைச்சர் கே.டி.ராஜேந்திரபாலாஜி வழங்கினார்.