தற்போதைய செய்திகள்

சித்துராஜபுரம் ஊராட்சியில் ரேஷன் கடை கட்டிட பணி- அமைச்சர் கே.டி.ராஜேந்திரபாாலஜி தொடங்கி வைத்தார்

விருதுநகர்

விருதுநகர் மாவட்டம் சித்துராஜபுரம் ஊராட்சியில் இரண்டு ரேஷன் கடைகளுக்கு கட்டிடம் கட்டும் பணிகளை அமைச்சர் கே.டி.ராஜேந்திரபாாலஜி தொடங்கி வைத்தார்.

விருதுநகர் மாவட்டம் சிவகாசி ஒன்றியம் சித்துராஜபுரம் ஊராட்சியில் சிவகாசி சட்டமன்ற தொகுதி உறுப்பினர் மேம்பாட்டு நிதியில் இருந்து 2 ரேஷன் கடைகள் கட்டப்பட உள்ளன. இதற்கான பணி தொடக்க விழா ஊராட்சி மன்ற தலைவர் லீலாவதி சுப்புராஜ் தலைமையில் நடைபெற்றது. இந்த விழாவில் பால்வளத்துறை அமைச்சர் ராஜேந்திரபாலாஜி கலந்து கொண்டு கட்டிட பணிகளை தொடங்கி வைத்தார்.

இந்த நிகழ்ச்சியில் மாவட்ட ஊரக வளர்ச்சி முகமை திட்ட இயக்குனர் சுரேஷ், வட்டார வளர்ச்சி அலுவலர்கள் ராமமூர்த்தி, ரவி, பொதுக்குழு உறுப்பினர் பாபுராஜ், ஒன்றிய கழக செயலாளர்கள் புதுப்பட்டி கருப்பசாமி, வேண்டுராயபுரம் சுப்பிரமணியம், மாவட்ட ஊராட்சி துணைத்தலைவர் சுபாஷினி, பொதுக்குழு உறுப்பினர் பாலாஜி, மாவட்ட கவுன்சிலர் நர்மதா ஜெயக்குமார், மாவட்ட மருத்துவர் அணி செயலாளர் விஜய்ஆனந்த், மாவட்ட எம்ஜிஆர் மன்ற துணைத்தலைவர் சீனிவாசன், ஊராட்சி மன்ற துணைத்தலைவர் காளிமுத்து, ஊராட்சி செயலாளர் அருள்ராஜ் உட்பட பலர் கலந்து கொண்டனர்.