திருவள்ளூர்

500க்கும் மேற்பட்ட தொழிலாளர்களுக்கு நிவாரணம் – மாவட்ட செயலாளர் மாதவரம் வி.மூர்த்தி வழங்கினார்

அம்பத்தூர்

திருவள்ளூர் கிழக்கு மாவட்டம் வில்லிவாக்கம் ஊராட்சி ஒன்றியத்தில் 500 பேருக்கு நிவாரண உதவிகளை மாவட்ட கழக செயலாளரும், முன்னாள் அமைச்சருமான மாதவரம் வி.மூர்த்தி வழங்கினார்.

திருவள்ளூர் கிழக்கு மாவட்டத்திற்குட்பட்ட வெள்ளானூர் ஊராட்சியில் முன்னாள் ஊராட்சி கழக செயலாளர் ஜேம்ஸ் (எ) ராஜ்விக்னேஸ்வரன் ஏற்பாட்டில் மாவட்ட கழக செயலாளர் மாதவரம் வி.மூர்த்திக்கு ஆளுயர மாலை அணிவித்து வரவேற்பு அளிக்கப்பட்டது, நிகழ்ச்சியில் அவர் கழகக் கொடியை ஏற்றி பொதுமக்களுக்கு இனிப்புகளை வழங்கினார்.

முன்னதாக ஒன்றிய கழக துணைச்செயலாளரும், முன்னாள் வில்லிவாக்கம் ஊராட்சி ஒன்றிய துணைத்தலைவருமான வீசி காந்தி தலைமையில், கொள்ளுமேடு ஊராட்சியில் மாவட்ட கழக செயலாளருக்கு பெண்கள் சால்வை அணிவித்து வரவேற்றனர்.

அதைத்தொடர்ந்து மோரை கன்னியம்மன் நகரில் புரட்சித்தலைவர் சிலைக்கு மாலை அணிவித்து முன்னாள் ஊராட்சி மன்ற தலைவர் ஒன்றிய பேரவை இணை செயலாளர் பங்காருபேட்டை குமார் ஏற்பாட்டில் அம்மா ஜெயா முன்னிலையில் 500க்கும் மேற்பட்ட ஏழை மக்கள் மற்றும் தூய்மை பணியாளர்களுக்கு அரிசி, பருப்பு, காய்கறி, எண்ணெய் உள்ளிட்ட நிவாரண பொருட்களை மாவட்ட கழக செயலாளர் மாதவரம் வி.மூர்த்தி வழங்கினார்.

இந்நிகழ்ச்சியில் ஒன்றிய கழக துணைச்செயலாளரும், முன்னாள் வில்லிவாக்கம் ஊராட்சி ஒன்றிய துணைத் தலைவருமான வீசி காந்தி, வெள்ளானூர் முன்னாள் ஊராட்சி மன்ற தலைவர் ஜி.வி.செந்தில்குமார், இசைவாணி நவராஜ், ஜானகிராமன், வெங்கடாஜலபதி, ஆறுமுகம், அன்பு, பானுமதி, அருணாசலம், அஜிதா, மாலத்தீவு ஆறுமுகம், குமரேசன், மாரி, சங்கர், ராஜேந்திரன் உட்பட பலர் கலந்து கொண்டனர்.