தற்போதைய செய்திகள்

பொதுமக்களுக்கு மூலிகை பொடி, முககவசம் – அமைச்சர் க.பாண்டியராஜன், ஆர்.எஸ்.ராஜேஷ் வழங்கினர்

சென்னை

பெரம்பூர் பகுதி கொடுங்கையூரில் கொரோனா தடுப்பு விழிப்புணர்வு குறித்து வீடு,வீடாக, சென்று நோய் தடுப்புக்கான கபசுர மூலிகை பொடி, மற்றும் முககவசங்களை அமைச்சர் க.பாண்டியராஜன், வடசென்னை வடக்கு கிழக்கு மாவட்ட கழக செயலாளர் ஆர்.எஸ். ராஜேஷ் ஆகியோர் வழங்கினர்.

தமிழக முதலமைச்சரின் வழிகாட்டுதலின்படி தண்டையார்பேட்டை மண்டலத்தில் பெரம்பூர் பகுதிக்குட்பட்ட கொடுங்கையூர் முத்தமிழ் நகரில் கொரோனா வைரஸ் தீவிரத்தை தடுக்க அமைச்சர் க.பாண்டியராஜன், வடசென்னை வடக்கு கிழக்கு மாவட்ட கழக செயலாளரும் தமிழ்நாடு நுகர்வோர் கூட்டுறவு இணையத்தின் தலைவருமான ஆர்.எஸ். ராஜேஷ், ஆகியோர் களப்பணியாளர்களுக்கு ஆலோசனைகளை வழங்கிய பின் அப்பகுதியில் வீடு, வீடாக, சென்று நோய் தடுப்புக்கான விழிப்புணர்வை ஏற்படுத்தி கபசுர மூலிகை பொடி, மற்றும் முககவசங்களை, வழங்கினர்.

அப்போது அப்பகுதி மக்களிடம் அமைச்சர் க.பாண்டியராஜன் பேசுகையில், தமிழக அரசின் கொரோனா தடுப்பு நெறிமுறைகள் வழிகாட்டுதலின்படி பொதுமக்கள் முழுமையாக தங்களை தற்காத்துக்கொள்ள சமூக இடைவெளியை கண்டிப்பாக கடைப்பிடிக்க வேண்டும் என்றும் உள்ளிருப்பு நோய் காய்ச்சலை கண்டறிய வீடு, வீடாக, பரிசோதனை மேற்க்கொள்ளும் மாநகராட்சி களப்பணியாளர்களை தொடர்பு கொண்டு பதிவு செய்து மக்கள் முழு ஒத்துழைப்பு அளித்து கொரோனா நோய் தொற்றை கட்டுப்படுத்த வழிவகை செய்ய வேண்டும்.

மேலும் நோய்த்தொற்று குறைந்த சதவீதம் உள்ள நோயாளிகளுக்கு மருத்துவர்கள் மூலம் விரைவில் சிகிச்சை அளிக்கப்பட்டு அவர்களுக்கு நோய் எதிர்ப்பு சக்தி மாத்திரை மருந்துகள் வழங்கி குணமடைய தேவையான அனைத்து உதவிகளும் அரசு செய்து வருவதாக தெரிவித்தார். இந்நிகழ்ச்சியில் அரசு அதிகாரிகள், மாநகராட்சி சுகாதார துறை அதிகாரிகள், மற்றும் பகுதி கழக ஜெ.கே.ரமேஷ், பி.ஜே.பாஸ்கர், இ.ராஜேந்திரன், வி.கோபிநாத், ஜெஸ்டின் பிரேம்குமார் மற்றும் பலர் கலந்து கொண்டனர்.