திருவண்ணாமலை

வந்தவாசி அருகே குடிமராமத்து திட்ட பணி ஆய்வு

திருவண்ணாமலை

திருவண்ணாமலை மாவட்டம், வந்தவாசியை அடுத்த ஓசூர் கிராமத்தில் உள்ள பூதேரியில் 41 லட்சம் மதிப்பீட்டில் முதலமைச்சரின் குடிமராமத்து திட்டப்பணிகள் நடைபெற்று வருவதை மாவட்ட செயற்பொறியாளர் மகேந்திரன் ஆய்வு மேற்கொண்டார்.

திருவண்ணாமலை மாவட்டம், வந்தவாசியை அடுத்த ஓசூர் கிராமத்தில் பொதுப்பணித்துறைக்கு சொந்தமான பூதேரி என்ற ஏரி உள்ளது இந்த ஏரியின் பரப்பளவு 131 ஏக்கர் கொண்டதாகும். இந்த ஏரியின் மூலமாக 142 ஹக்டர் பரப்பளவு விளை நிலங்கள் பாசன வசதி பெறுகின்றன. இந்த நிலையில் விவசாயிகள் பயன்பெறும் வகையில் 41 லட்சம் மதிப்பீட்டில் முதலமைச்சரின் குடிமராமத்து திட்டத்தின் மூலம் ஏரியின் கலுங்ககல் மறு சீரமைப்பு பணி மற்றும் ஏரியின் கரைகள் பலப்படுத்தும் பணிகள் நடைபெற்று வருகிறது.

அந்த பணியை பொதுப்பணித்துறை மாவட்ட செயற்பொறியாளர் மகேந்திரன் நேரில் சென்று ஆய்வு மேற்கொண்டார். அப்போது பணிகளை துரிதமாக முடிக்குமாறு ஒப்பந்ததாரர் பேரவை மாவட்ட செயலாளர் பாஸ்கர் ரெட்டியாரிடம் கூறினார்.