தற்போதைய செய்திகள்

எடப்பாடியாருக்கு ஆதரவாக தமிழ்நாடு முழுவதும் அலை-அமைச்சர் எஸ்.பி.வேலுமணி பேட்டி

கோவை

சொல்வதை செய்து காட்டும் முதலமைச்சர் எடப்பாடியாருக்கு ஆதரவாக தமிழ்நாடு முழுவதும் அலை வீசுவதாக அமைச்சர் எஸ்.பி.வேலுமணி கூறினார்.

கோவை இதயதெய்வம் மாளிகையில் கழக அமைப்பு செயலாளரும், கோவை புறநகர் தெற்கு மாவட்ட கழக செயலாளரும், உள்ளாட்சித்துறை அமைச்சருமான எஸ்.பி.வேலுமணி தலைமையில் கோவை மாவட்ட தொகுதிகளில் போட்டியிடும் கழக வேட்பாளர்கள் ஆலோசனை கூட்டம் நடைபெற்றது.

இதன் பின்னர் அமைச்சர் எஸ்.பி.வேலுமணி செய்தியாளர்களுக்கு அளித்த பேட்டி வருமாறு:-

தமிழகம் முழுவதும் முதலமைச்சர் எடப்பாடி கே.பழனிசாமிக்கு ஆதரவாக அலை வீசுகிறது. அனைத்து தரப்பு மக்களும் கழகத்துக்கு ஆதரவு தெரிவித்து வருகின்றனர். தி.மு.க.வின் தேர்தல் அறிக்கை வெற்று அறிக்கை, பொய்யான அறிக்கை.முதலமைச்சர் எடப்பாடி கே‌.பழனிசாமி சொல்வதை செய்பவர்.

தமிழக மக்களுக்காக கழகம் வெளியிடுவது தான்
உண்மையான தேர்தல் அறிக்கை. அனைத்து தரப்பு மக்களின் நலனுக்காக எண்ணற்ற திட்டங்களை நிறைவேற்றிய முதலமைச்சர் எடப்பாடி கே.பழனிசாமி மீண்டும் தமிழக முதல்வராக பதவியேற்பார்.

இவ்வாறு அமைச்சர் எஸ்.பி.வேலுமணி கூறினார்.

முன்னதாக கோவை இதயதெய்வம் மாளிகையில் புரட்சித்தலைவர் எம்.ஜி.ஆர். மற்றும் புரட்சித்தலைவி அம்மா ஆகியோரின் திருவுருவப் படங்களுக்கு அமைச்சர் எஸ்.பி.வேலுமணி மற்றும் மாவட்ட கழக நிர்வாகிகள் மாலை அணிவித்து மரியாதை செலுத்தினர்.