எல்.முருகன் மத்திய அமைச்சராக பதவியேற்றதில் மகிழ்ச்சி-எதிர்க்கட்சி தலைவர் வாழ்த்து

சென்னை

தமிழக பா.ஜ.க தலைவர் எல்.முருகன் மத்திய அமைச்சராக பதவியேற்றதில் மகிழ்ச்சியடைகிறேன் என்று தமிழ்நாடு சட்டமன்ற எதிர்க்கட்சி தலைவர் எடப்பாடி கே.பழனிசாமி வாழ்த்து தெரிவித்துள்ளார்.

இதுகுறித்து கழக இணை ஒருங்கிணைப்பாளரும், முன்னாள் முதலமைச்சரும், தமிழ்நாடு சட்டமன்ற எதிர்க்கட்சி தலைவருமான எடப்பாடி கே.பழனிசாமி தனது டுவிட்டர் பக்கத்தில் பதிவிட்டிருப்பதாவது:-

பிரதமர் நரேந்திரமோடி தலைமையிலான மத்திய அரசின் அமைச்சரவை விரிவாக்கத்தில் தமிழக பா.ஜ.க தலைவர் சகோதரர் எல்.முருகன் மத்திய அமைச்சராக பதவியேற்றதில் மகிழ்ச்சியடைகிறேன். புதிய அத்தியாயத்தில் அடியெடுத்து வைத்துள்ள நீங்கள் மக்கள் பணியில் சிறந்து விளங்க என் வாழ்த்துக்கள்.

இவ்வாறு கழக இணை ஒருங்கிணைப்பாளரும், முன்னாள் முதலமைச்சரும், தமிழ்நாடு சட்டமன்ற எதிர்க்கட்சி தலைவருமான எடப்பாடி கே.பழனிசாமி வாழ்த்து தெரிவித்துள்ளார்.