கோவை தற்போதைய செய்திகள்

கோவை பாரதியார் பல்கலைக்கழகம் சார்பில் பொதுமக்களுக்கு கபசுர குடிநீர் வினியோகம்

கோவை

கோவை பாரதியார் பல்கலைக்கழகத்தின் நாட்டு நலப்பணித்திட்டம் மற்றும் ரோட்டரி கிளப் வடவள்ளி சார்பாக கொரோனா வைரஸ் தொற்றிலிருந்து பாதுகாத்திட பொதுமக்களுக்கு விழிப்புணர்வை ஏற்படுத்தும் வகையில் கபசுர குடிநீர், நெல்லிக்கனி மற்றும் கைகழுவும் திரவம் ஆகியவை வழங்கும் நிகழ்ச்சி வடவள்ளி பஸ் நிலையத்தில் நடைபெற்றதையொட்டி பாரதியார் பல்கலைக்கழகம் சார்பில் கொரோனோ வைரஸ் குறித்த விழிப்புணர்வு நோட்டீஸ் பொதுமக்களுக்கு வழங்கப்பட்டது.

இதனை பாரதியார் பல்கலைக்கழக துணை வேந்தர் காளிராஜ் தொடங்கி வைத்தார். சிறப்பு விருந்தினராக எம்.ஜி.ஆர் இளைஞர் அணி புறநகர் மாவட்ட செயலாளர் சந்திரசேகர் கலந்து கொண்டார். இதை தொடர்ந்து பொதுமக்களுக்கு கபகர குடிநீர் வழங்கப்பட்டது. மேலும் ஏழை மாணவி ஒருவருக்கு சைக்கிள் வழங்கப்பட்டது.

இதில் பல்கலைக்கழக பதிவாளர் முருகன் (பொ), ரோட்டரி கிளப் வடவள்ளி நிறுவனத்தலைவர் மாணிக்கவாசகம், தலைவர் ரவிச்சந்திரன், செயலாளர் ஜான் சிங்கராயர் , பல்கலைக்கழக ஆட்சிக்குழு உறுப்பினர்கள், ஆசிரியர் சங்கத்தலைர் துணைத்தலைவர், வடவள்ளி இன்ஸ்பெக்டர் மணிவண்ணன் ஆகியோர் கலந்து கொண்டனர். இதற்கான ஏற்பாடுகளை நாட்டு நலத்திட்ட ஒருங்கிணைப்பாளர் ( பொறுப்பு ) அண்ணாதுரை செய்திருந்தார்.