திருவண்ணாமலை

வெற்றி, தோல்வி எது வந்தாலும் எதிர் அணிக்கு செல்ல மாட்டார்கள்-இளைஞர், இளம்பெண்கள் பாசறை செயலாளர் வி.பி.பி.பரமசிவம் பேச்சு

திருவண்ணாமலை, ஜூலை 9-

புரட்சித்தலைவி அம்மா அவர்களை தலைவராக ஏற்றுக்கொண்டவர்கள் கழகத்தினர். வெற்றி, தோல்வி எது வந்தாலும் எதிர் அணிக்கு செல்ல மாட்டார்கள் என்று இளைஞர் மற்றும் இளம்பெண்கள் பாசறையின் மாநில செயலாளர் வி.பி.பி.பரமசிவம் பேசினார்.

திருவண்ணாமலை தெற்கு மாவட்ட கழகத்தின் சார்பில் தெற்கு மாவட்ட இளைஞர் மற்றும் இளம்பெண்கள் பாசறை நிர்வாகிகள் ஆலோசனைக் கூட்டம், மற்றும் நிர்வாகிகள், உறுப்பினர்களுக்கான அடையாள அட்டை வழங்கும் நிகழ்ச்சி திருவண்ணாமலை தெற்கு மாவட்ட கழக அலுவலகத்தில் நடைபெற்றது.

இக்கூட்டத்திற்கு முன்னாள் அமைச்சரும். தெற்கு மாவட்ட கழக செயலாளரும், சட்டமன்ற மதிப்பீட்டு குழு உறுப்பினரும். போளூர் தொகுதி சட்டமன்ற உறுப்பினருமான அக்ரி எஸ்.எஸ்.கிருஷ்ணமூர்த்தி தலைமை தாங்கினார்.

இக்கூட்டத்தில் சிறப்பு அழைப்பாளராக முன்னாள் சட்டமன்ற உறுப்பினரும், கழக இளைஞர் மற்றும் இளம்பெண்கள் பாசறை மாநில செயலாளருமான வி.பி.பி.பரமசிவம் கலந்துகொண்டு நிர்வாகிகளுக்கு ஆலோசனை வழங்கினார்.

அப்போது அவர் பேசியதாவது:-

புரட்சித்தலைவி அம்மா அவர்கள் நாற்றங்காலாக துவக்கிய இளைஞர் மற்றும் இளம்பெண்கள் பாசறை இன்று வளந்து வேரூன்றி ஆலமரமாகி உள்ளது. இளைஞர் மற்றும் இளம்பெண்கள் பாசறை என்பது இந்த இயக்கத்தின் அடுத்த தலைமுறைகளை உருவாக்கும் பயிற்சி பட்டறையாக உள்ளது. இந்த இளைஞர் மற்றும் இளம்பெண்கள் பாசறையை நம்பிதான் கழகம் இன்னும் 100 வருடங்கள் இயங்கும் என்று அம்மா அவர்கள் சென்னார்.

தற்போது கழகத்தில் உள்ளவர்கள் புரட்சித்தலைவர் மற்றும் அம்மா அவர்களை தெய்வமாக நம்பி அவர்களை தலைவர்களாக ஏற்றுக்கொண்டவர்கள். அதனால் தான் வெற்றி, தோல்வி எது வந்தாலும் எதிர் அணிக்கு செல்லாமல் இன்றும் கழகத்தில் இருந்து பணியாற்றி வருகின்றனர்.

கழக இளைஞர் மற்றும் இளம்பெண்கள் பாசறை மாநில செயலாளருமான வி.பி.பி.பரமசிவம் பேசினார்.

இக்கூட்டத்தில் முன்னாள் அமைச்சரும், திருவண்ணாமலை தெற்கு மாவட்ட கழக செயலாளரும், சட்டமன்ற மதிப்பீட்டு குழு உறுப்பினரும், போளூர் தொகுதி சட்டமன்ற உறுப்பினருமான அக்ரி எஸ்.எஸ்.கிருஷ்ணமூர்த்தி பேசுகையில்,
நடந்து முடிந்த சட்டமன்ற தேர்தலில் இளைஞர் பாசறை மற்றும் இளம்பெண்கள் பாசறை நிர்வாகிகளின் பணி உண்மையிலேயே பாராட்டத்தக்கது.

எத்தனையோ எதிர்ப்புகள் வந்தாலும் கூட அந்த எதிர்ப்புகளை எல்லாம் தூக்கி எறிந்து கழக வேட்பாளர்களின் வெற்றிக்காக பாடுபட்ட நிர்வாகிகளை நன்றியோடு நினைவு கூர கடமைப்பட்டு இருக்கிறேன் என்றார்.

கூட்டத்தில் நீட்தேர்வு ரத்து, மின்வெட்டு, பெட்ரோல் டீசல் விலை குறைப்பு, மக்களின் அத்தியாவசிய பிரச்சினைகளை எல்லாம் தீர்ப்போம் உள்ளிட்ட போலி வாக்குறுதிகள் கொடுத்த திமுகவை எதிர்த்து இளைஞர் மற்றும் இளம்பெண்கள் பாசறை சார்பில் போராட்டம் நடத்துவது, ஒன்றரை கோடி தொண்டர்களுக்கும் அரணாக விளங்கி கொண்டிருக்கக்கூடிய கழக ஒருங்கிணைப்பாளர் ஓ.பன்னீர்செல்வம், கழக இணை ஒருங்கிணைப்பாளர் எடப்பாடி கே.பழனிசாமி ஆகியோர் தலைமையில் ஒற்றுமையாக செயல்பட்டு நடைபெற இருக்கின்ற உள்ளாட்சித்தேர்தல் மற்றும் நாடாளுமன்ற தேர்தல்களில் கழகத்திற்கு மகத்தான வெற்றியை தேடித்தர அயராது பாடுபடுவோம்.

கழகத்தின் இளைஞர் மற்றும் இளம்பெண்கள் பாசறை வரும் ஆண்டுகளில் அதிகமான எண்ணிக்கையில் உறுப்பினர்களை சேர்க்கவும் பாசறையில் இணைந்துள்ள இளைஞர் மற்றும் இளம்பெண்களுக்கு அரசியல் சார்ந்த அறிவையும், திறனையும் மேம்படுத்துவதற்கு தேவையான பயிற்சிகளை இணையம் வாயிலாகவும், நேர்முக பயிற்சிப்பட்டறைகள் வாயிலாகவும் வழங்குவது என்பது உள்ளிட்ட தீர்மானங்கள் நிறைவேற்றப்பட்டன.