தற்போதைய செய்திகள்

கழகத்தின் வெற்றிக்கு பல்வேறு வியூகங்கள் – அமைச்சர் க.பாண்டியராஜன் தகவல்

அம்பத்தூர்

கழகத்தின் வெற்றிக்கு பல்வேறு வியூகங்கள் அமைக்கப்பட்டு உள்ளதாக அமைச்சர் க.பாண்டியராஜன் தெரிவித்தார்.

கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி, கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம் ஆகியோரின் ஆணைக்கிணங்க 2021 சட்டமன்ற தேர்தலை முன்னிட்டு தமிழகம் முழுவதும் கழகம் சார்பில் ஆலோசனைக் கூட்டம் நடைபெற்று வருகிறது.

இதனைத் தொடர்ந்து திருவள்ளூர் தெற்கு மாவட்ட செயலாளரும், சட்டமன்ற உறுப்பினருமான வி.அலெக்சாண்டர் தலைமையில் ஆவடி சட்டமன்றத் தொகுதி பட்டாபிராமில் உள்ள தனியார் திருமண மண்டபத்தில் திருவேற்காடு நகர கழக செயல்வீரர்கள் வீராங்கனைகள் ஆலோசனை கூட்டம் நடைபெற்றது. இதில் தமிழ் வளர்ச்சி மற்றும் தொல்லியல் துறை அமைச்சர் க.பாண்டியராஜன் கழக அண்ணா தொழிற்சங்கம் செயலாளரும் திருவள்ளூர் தெற்கு மாவட்ட தேர்தல் பொறுப்பாளருமான கமலக்கண்ணன் ஆகியோர் கலந்து கொண்டு சிறப்புரையாற்றினார்கள்.

கூட்டத்தில் அமைச்சர் க.பாண்டியராஜன் பேசியதாவது:-

வரும் சட்டமன்ற தேர்தலில் எப்படியாவது வெற்றி பெற வேண்டும் என்று திமுகவினர் 15 பேர் ஊர்ஊராக கழக அரசின் மீது பொய் குற்றச்சாட்டை பிரச்சாரமாக வைக்க கிளம்பியுள்ளனர். அவர்களுக்கு ஏற்பட்டிருப்பது அதிகாரப் பசி ஆணவ பசி திமுகவில் உள்ள ஒரு சிறிய மனிதன் உதயநிதி ஸ்டாலின் ஒரு காவல்துறை உயர் அதிகாரி ராஜேஷ் தாஸை ஒருமையில் பேசி நாங்கள் ஆட்சிக்கு வந்தால் உன்னை விட மாட்டோம் என்கிறார்.

ஆட்சியில் இல்லாத போதே இப்படி காவல்துறையை மிரட்டும் அவர் ஆட்சிக்கு வந்தால் என்ன நடக்கும் என்பதை நீங்களே சிந்தித்துப் பாருங்கள். அதனால் தான் முதலமைச்சரும் துணை முதலமைச்சரும் பல்வேறு வியூகங்களை அமைத்து கழகத்தை வெற்றிபெற செய்ய வைக்க முதன்மை பொறுப்புகளை வழங்கியுள்ளனர். முதன்முதலாக அரசியல் வரலாற்றில் பெண்களை வைத்தே தேர்தல் பூத் களை அமைத்துள்ளனர்.

நீங்கள் செய்ய வேண்டியது கழக அரசின் சாதனைகளை தினந்தோறும் ஒரு 30 பேரிடமாவது கூறி உங்களுக்கு ஒதுக்கப்பட்ட இடத்தில் கழகத்தின் வாக்குகளை சேகரியுங்கள் அம்மா அரசின் சாதனைகளை அவர்களிடம் கொண்டு சேருங்கள் இன்று ஆவடியில் அம்மா அரசின் சாதனைகளை நீங்கள் எடுத்துச் சென்று மக்களிடம் கூறினாலே போதும் கழகம் எளிதில் வெற்றி பெறும்.எனவே நீங்கள் உங்களுக்குள் உள்ள மனம் மாட்சிமைகளை மறந்து வெற்றி ஒன்றே குறிக்கோளாக நிலைநிறுத்தி செயல்பட்டால் வெற்றி பெறுவோம்.

இவ்வாறு அமைச்சர் க.பாண்டியராஜன் பேசினார்.

இந்நிகழ்ச்சியில் முன்னாள் அமைச்சர் எஸ்.அப்துல் ரஹீம், ஆவடி நகர கழக செயலாளர் ஆர்.சி.தீனதயாளன், மாவட்ட அண்ணா தொழிற்சங்க செயலாளர் முல்லை தயாளன், முகவை சுந்தரம், ஆர்.வி கிருஷ்ணமூர்த்தி, காமராஜ் நகர் ரவி சுல்தான், கோலடி மகேந்திரன், கண்ணன், ஜானகிராமன், ஆனந்தராஜ் ,ஆர்.சி டி.ஹேமந்த்,குனாபாபு, இப்பட ஆவடி நகர கழக வட்ட கழக நிர்வாகிகள் பலர் கலந்து கொண்டனர்.