திருப்பத்தூர்

தமிழகம்-ஆந்திரா எல்லையில் கள்ளச்சாராய ஊறல் அழிப்பு-வாணியம்பாடி போலீசார் அதிரடி

திருப்பத்தூர்

தமிழகம்-ஆந்திரா எல்லையில் கள்ளச்சாராய ஊறலை வாணியம்பாடி போலீசார் கண்டுபிடித்து அழித்தனர்.

திருப்பத்தூர் மாவட்டம் வாணியம்பாடி அருகே உள்ள தமிழக-ஆந்திரா எல்லை பகுதிகளான மாதகடப்பா, தேவராஜபுரம் உள்ளிட்ட பல்வேறு மலை பகுதிகளில் வாணியம்பாடி டி.எஸ்.பி பழனிசெல்வம், மதுவிலக்கு காவல் ஆய்வாளர் தமிழரசி, உதவி ஆய்வாளர் சிவகுமார் ஆகியோர் தலைமையில் 15பேர் கொண்ட போலீசார் தீவிர ரோந்து பணியில் ஈடுபட்டனர்.

அப்போது அங்கு புதர்கள் சூழ்ந்த ஒரு பகுதியில் கள்ளச்சாராயம் காய்ச்சுவது தெரியவந்தது. அங்கு செல்வதற்குள் போலீசார் வருவதை அறிந்த கள்ளச்சாராயம் காய்ச்சுபவர்கள் தப்பி ஓடி விட்டனர்.

பின்னர் போலீசார் கள்ளச்சாராயம் காய்ச்சுவதற்காக தயாராக வைத்திருந்த சுமார் 4000 லிட்டர் சாராய ஊறல் மற்றும் சாராயம் காய்ச்ச பயன்படுத்தும் அடுப்புகள் ஆகியவற்றை அழித்தனர். மேலும் தப்பி ஓடிய மாதகடப்பா பகுதியை சேர்ந்த நபர்கள் இருவரை போலீசார் தேடி வருகின்றனர்.