தற்போதைய செய்திகள்

ஆரணியில் 7-வது நாளாக மக்களுக்கு அன்னதானம்-முன்னாள் அமைச்சர் சேவூர் எஸ்.இராமச்சந்திரன் வழங்கினார்

திருவண்ணாமலை

முழு ஊரடங்கால் பாதிக்கப்பட்ட மக்களுக்கு ஆரணியில் தொடர்ந்து 7-வது நாளாக முன்னாள் அமைச்சர் சேவூர் எஸ்.இராமச்சந்திரன் அன்னதானம் வழங்கினார்.

முழு ஊரடங்கால் பாதிக்கப்பட்ட மக்களுக்கு கடந்த 1-ந்தேதி முதல் முன்னாள் அமைச்சரும், ஆரணி தொகுதி சட்டமன்ற உறுப்பினருமான சேவூர் எஸ்.இராமச்சந்திரன் உணவு பொருட்களை வழங்கி வருகிறார்.

அதன்படி 7-வது நாளாக ஆரணி சட்டமன்ற அலுவலகத்தில் பொதுமக்களுக்கு முன்னாள் அமைச்சர் சேவூர் எஸ்.இராமச்சந்திரன் எம்.எல்.ஏ. சுமார் 200 பேருக்கு அன்னதானம் வழங்கினார்.

இந்நிகழ்ச்சியில் நகர கழக செயலாளர் எ.அசோக்குமார், மேற்கு ஆரணி ஒன்றிய செயலாளர் ப.திருமால், தகவல் தொழில்நுட்ப பிரிவு மாவட்ட செயலாளர் சரவணன், கூட்டுறவு சங்கத்தலைவர் குணா, முன்னாள் நகர்மன்ற உறுப்பினர் எ.கே.பிரபு, சுபான்ராவ் பேட்டை வேலன், ஒன்றிய பேரவை செயலாளர் பையூர் சதீஷ், தகவல் தொழில்நுட்ப பிரிவு பொறுப்பாளர்கள் கோகுல், வினோத், சேவூர் பீமன் என்கிற ரவி உள்பட பலர் கலந்து கொண்டனர்.