தற்போதைய செய்திகள்

ரூ.75 லட்சம் மதிப்பில் மகளிர் சுயஉதவிக்குழு கட்டிட பணி – அமைச்சர் கடம்பூர் செ.ராஜூ தொடங்கி வைத்தார்

தூத்துக்குடி

திருச்செந்தூர் ஊராட்சி ஒன்றியத்துக்குட்பட்ட அம்மன்புரம் ஊராட்சியில் மகாத்மா காந்தி தேசிய ஊரக வேலைவாய்ப்பு உறுதி திட்டத்தின் கீழ் 2017-2018ம் ஆண்டிற்க்கான நிதி ஒதுக்கீட்டில் மகளிர் சுய உதவிக்குழு பயன்பாட்டிற்காக ரூ.75 லட்சம் மதிப்பீட்டில் புதிய கட்டிடம் கட்டும் பணியை செய்தி மற்றும் விளம்பரத்துறை அமைச்சர் கடம்பூர் செ.ராஜூ தொடங்கி வைத்தார்.

தூத்துக்குடி மாவட்டம் திருச்செந்தூர் ஒன்றியத்திற்குட்பட்ட அம்மன்புரத்தில் மகளிர் சுய உதவிக்குழுவினர் பயன்பாட்டிற்கு புதிய கட்டிடம் ரூ. 75 லட்சம் மதிப்பீட்டில் கட்டும் பணிக்கான பூமிபூஜை மாவட்ட ஆட்சித்தலைவர் சந்தீப் நந்தூரி, தலைமையில் தெற்கு மாவட்ட செயலாளரும், ஸ்ரீவைகுண்டம் தொகுதி சட்டமன்ற உறுப்பினருமான எஸ்.பி.சண்முகநாதன் முன்னிலையில் நடைபெற்றது.

இந்நிகழ்ச்சியில் திருச்செந்தூர் ஒன்றியக்குழு தலைவர் செல்வி வடமலை பாண்டியன் வரவேற்றார். இந்நிகழ்ச்சியில் கலந்து கொண்ட வடக்கு மாவட்டச் செயலாளரும், செய்தி மற்றும் விளம்பரத்துறை அமைச்சருமான கடம்பூர் செ.ராஜூ புதிய கட்டிடம் கட்டுவதற்கான பணியை பூமிபூஜை செய்து தொடங்கி வைத்தார்.