தற்போதைய செய்திகள்

குமாரபாளையம் அம்மா உணவகத்தில் ஏழைகளுக்கு 3 வேளை இலவச உணவு

முன்னாள் அமைச்சர் பி.தங்கமணி கட்டணம் செலுத்தினார்

நாமக்கல், ஜூன் 10-

முன்னாள் அமைச்சர் பி.தங்கமணி கட்டணம் செலுத்தியதை தொடர்ந்து நாமக்கல் மாவட்டம் குமாரபாளையம் அம்மா உணவகத்தில் ஏழைகளுக்கு தினமும் 3 வேளை இலவசமாக உணவு வழங்கப்படுகிறது.

நாமக்கல் மாவட்டம் குமாரபாளையம் அம்மா உணவகத்தில் ஊரடங்கு காலம் முடிவும் வரை காலை, மதியம் ஏழைகளுக்கு இலவசமாக உணவு வழங்க முன்னாள் அமைச்சரும், குமாரபாளையம் தொகுதி சட்டமன்ற உறுப்பினருமான பி.தங்கமணி கட்டணத்தை ஏற்கனவே செலுத்தியிருந்தார்.

இந்நிலையில் ஊரடங்கு காலம் வரை தினம் காலை, மதியம், இரவு என மூன்று வேளையும் தினமும் 400 பேருக்கு இலவச உணவு வழங்க மேலும் ஒரு லட்சம் ரூபாயை முன்னாள் அமைச்சர் பி.தங்கமணி நகராட்சி அலுவலகத்தில் செலுத்தியுள்ளார்.
இதனால் தினமும் மூன்று வேளையும் குமாரபாளையம் அம்மா உணவகத்தில் இலவசமாக உணவு வழங்கப்படுகிறது.